Հասարակական08:21, 20 Ապրիլ 2015
Պապի ելույթից հետո Ադանայում բնակվող հայ ընտանիքին թուրքերը զրկել են նպաստից
![Պապի ելույթից հետո Ադանայում բնակվող հայ ընտանիքին թուրքերը զրկել են նպաստից](https://www.ermenihaber.am/news_images/19/55896_2/20150418141827_jhlkh.jpg)
Ապրիլի 12-ին Հայոց ցեղասպանության զոհերի հիշատակին Վատիկանում մատուցված պատարագի ժամանակ Հռոմի Ֆրացիսկոս 1-ին Պապը հայտարարեց, որ 20-րդ դարի առաջին ցեղասպանությունը 1915թ-ին հայերի դեմ կատարվածն է: Պապի այս ելույթից հետո Թուրքիայում զայրույթի ու սպառնալիքների ալիք բարձրացավ: Թուրքիայի նախագահ Ռեջեփ Թայիփ Էրդողանն անուղղակիորեն սպառնաց, որ կարող է Թուրքիայից արտաքսել այնտեղ ապրող հազարավոր հայերին: Իսկ Թուրքիաի ազգային մեծ ժողովի (ԹԱՄԺ - TBMM) նախագահ Ջեմիլ Չիչեքը «զգուշացրեց. «Եթե այսուհետև դպրոցներում, փողոցներում կամ աշխատավայրերում մեր ժողովուրդն ատելության վրա հիմնված անօրինական ու անհանդուրժողական քայլերի դիմի, դրա պատասխանատուն, անկասկած, Պապն է լինելու»: («Milliyet»):
Ավելի ուշ պարզ դարձավ, որ նշյալ հայտարարությունները միայն սպառնալիք կամ զգուշացում չեն: Դրա ապացույցներից մեկը թուրքական ընդդիմադիր «t24.com»լրատվակայքում տեղ գտած «Պապը Վատիկանում «ցեղասպանություն» ասաց, Ադանայի հայ քաղաքացին գործազուրկ դարձավ» խոսուն վերնագիրը կրող հրապարակումն է:
Աղբյուրի համաձայն` Պապի ելույթից հետո Թուրքիայի Ադանա քաղաքի Դումլույան գյուղում բնակվող 59-ամյա Վաննիս Չեթինյանն ու իր ընտանիքը զրկվել են սոցիալական նպաստից: Տեղական ինքնակառավարման մարմինների պատճառաբանությունն ու մեկնաբանությունը եղել է հետևյալը. «Սրանից հետո գնացեք հայկական սփյուռիքից նպաստ ստացեք»:
Ավելի ուշ Վաննիսը նաև զրկվել է աշխատանքից, քանի որ մուսուլմաններն այլևս հրաժարվել են նրան դիմել գյուղատնտեսական աշխատանքների համար: Ադանաբնակ հայ քաղաքացին պատմել է, որ գյուղում և դպրոցում, ուր հաճախում են նրա երկու որդիները, վերջիններիս մշտապես վիրավորում ու հոգեբանական ճնշման են ենթարկում, երեխաներին ստիպում են մասնակցել իսլամի դասերին և «գյավուր» անվանում:
Վաննիս Չեթինյանի վկայությամբ՝ գյուղի հայ բնակչության մեծ մասը ցեղասպանությունից փրկվելով ապաստանել են տարբեր երկրներում, իսկ տեղում մնացածները մահմեդականացվել են: Միակ հայ քրիստոնյա ընտանիքը, որ այսօր ապրում է Ադանայի Դումլույան գյուղում, Չեթինյանների ընտանիքն է: Նրանք իսլամ չեն ընդունել և աղոթելու համար այցելում են մոտակայքի իտալական կաթոլիկ եկեղեցի, քանի որ հայ առաքելականները ցեղասպանության ժամանակ ոչնչացվել են: Տեղի մուսուլման բնակչությունը ծայրահեղ անհանդուրժողականություն է դրսևորում Չեթինյանների նկատմամբ, ընտանիքը հայտնվել է սոցիալական և հոգեբանական ծանր պայմաններում:
«Մեր մասին բղավում են, թե՝ այդ հայերին պետք է խեղդել գետում, բոլորին պետք է մորթել, դրանց աղջիկներին պետք է բռնաբարել»,-պատմում է Չեթինյանը: Նրանց միակ ցանկությունը խաղաղ ու սեփական մշակույթով ապրելու հնարավորություն ունենալն է. «Ցեղասպանություն է եղել: Մենք թուրքերին ներում ենք, իրենք մեզ չեն ներում: Թող ճանաչեն ցեղասպանությունը, այլ կերպ խաղաղություն չի լինի: Մենք ուզում ենք համատեղ ու խաղաղ ապրել»,- ասել է Վաննիս Չեթինյանը:
Այս ենթաբաժնի վերջին նորությունները
![Հրդեհի հետևանքով Թուրքիայում 11 մարդ է մահացել](https://www.ermenihaber.am/news_images/93/278569_1/0124.thumb.jpeg)
Թուրքիայում շարունակվում են զանգվածային բնույթ կրող հրդեհները: Այրվել է ընդհանուր առմամբ 10.000 մետր քառակուսի բերքառատ տարածք:
![Արարատ լեռան վրա իրանցի լեռնագնացի դի է հայտնաբերվել](https://www.ermenihaber.am/news_images/93/278486_1/265847.thumb.jpg)
AFAD-ի հաղորդագրության համաձայն, հունիսի 14-ին լեռը բարձրանալուց հետո՝ իջնելու ճանապարհին սայթաքելու հեևանքով է մահացել Էքբեր Հելիլը:
![Թուրքիայում հակաիսրայելական ցույցեր են. «Եթե այսօր լռենք, վաղը շատ ավելի ծանր գին ենք վճարելու այդ լռութան համար»](https://www.ermenihaber.am/news_images/93/278456_2/thumbs_b_c_13cbc3625a89e7977b077e7afe853baf.thumb.jpg)
Երթի մասնակիցներից մեկը նշել է, որ հոկտեմբերի 7-ից Իսրայելի հարձակումները Պաղեստնի վրա շարունակվում են և աշխարհը լուռ է այս դաժանության դեմ։
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական իշխանությունները պահը բաց չեն թողնում զբոսաշրջային ակտիվ սեզոնին գրպանահատություն իրականացնելու։
ՀՀ արտաքին քաղաքական գերատեսչությունը հունիսի 21-ին էր հայտարարել նման որոշում կայացնելու մասին:
AFAD-ի հաղորդագրության համաձայն, հունիսի 14-ին լեռը բարձրանալուց հետո՝ իջնելու ճանապարհին սայթաքելու հեևանքով է մահացել Էքբեր Հելիլը:
Ընդգծվում է նաև, որ FETÖ-ի անդամները ԱՄՆ նախագահ Ջո Բայդենին հակաթուրքական բովանդակությամբ նամակ են ուղարկել:
Թուրքիայի արտահանողների խորհուրդը հրապարակել է 2024-ի առաջին 5 ամսիների արտահանման վերաբերյալ տվյալները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |