Քաղաքական12:30, 05 Մայիս 2015
Էրդողանը չի մասնակցի մայիսի 9-ի տոնակատարություններին, քանի որ Պուտինն էլ իր հրավերն էր մերժել
Թուրքիայի նախագահ Ռեջեփ Թայիփ Էրդողանը չի մասնակցելու Ռուսաստանում մայիսի 9-ին կայանալիք Հայրենական մեծ պատերազմում տարած հաղթանակի 70 ամյակի միջոցառումներին: Մոսկվայի Կարմիր հրապարակում իրականացվելիք հիշատակի արարողությունների ժամանակ Թուրքիային ներկայացնելու է Մոսկվայում Թուրքիայի դեսպան Ումիթ Յարդըմը:
Թուրքական ընդդիմադիր «Zaman» պարբերականի տեղեկատվությամբ՝ Էրդողանը մերժել է անձամբ Ռուսաստանի նախագահ Վլադիմիր Պուտինից ստացած հրավերը: Աղբյուրի համաձայն` Թուրքիայի և Ռուսաստանի միջև խնդիրներ են ծագել Հայոց ցեղասպանության և Գալիպոլիի (Դարդանել, Չանաքքալե) մարտերի 100 ամյակների առթիվ ապրիլի 24-ին Հայաստանում ու Թուրքիայում կայացած հիշատակման միջոցառումների առիթով: Ինչպես հայտնի է, Էրդողանը, ի թիվս այլ երկրների նախագահների, սեփական ստորագրությամբ հրավեր էր ուղարկել նաև Պուտինին՝ ցանկանալով, որ ապրիլի 24-ին վերջինս ներկա լինի ոչ թե Երևանում, այլ Գալիպոլիում: Սակայն Պուտինը նախընտրել էր մասնակցել Հայոց ցեղասպանության զոհերի ոգեկոչման արարողությանը: Իսկ Ռուսաստանին Գալիպոլիում ներկայացրել էր Պետդումայի նախագահ Սերգեյ Նարիշկինը:
Թեմայի վերաբերյալ մեկնաբանություններ կատարած Էրդողանն ավելի վաղ նշել էր, որ ինքը «վիրավորված» և «վշտացած » է Պուտինի՝ Երևանում գտնվելու պատճառով:
«Ապրիլի 23-ին Պուտինի հնչեցրած հայտարարության մեջ «ցեղասպանություն» եզրույթի օգտագործումը, ապրիլի 24-ին Պուտինի մասնակցությունը Երևանում կայացած հիշատակի միջոցառումներին, ինչպես նաև Ռուսաստանի Պետդումայի կողմից Հայոց ցեղասպանության վերաբերյալ գրավոր հայտարարության ընդունումն արժանացել է Անկարայի կոշտ արձագանքին»- գրում է «Զամանը»:
Նշվում է նաև, որ նախորդ տարվա ընթացքում Թուրքիայից Ռուսաստան կատարված արտահանման ծավալները նվազել են 40 տոկոսով: Ենթադրվում է, որ երկու երկրների միջև քաղաքական խնդիրների ծագումը կարող է բացասաբար ազդել նաև առևտրատնտեսական հարաբերությունների վրա:
«Նման զարգացումները կարող են բացասաբար ազդել երկու երկրների միջև առկա հսկայական նախագծերի, մասնավորապես «Թուրքական հոսանք» (Türk Akımı) գազային նախագծի վրա: Ռուսաստանի՝ ցեղասպանության հետ կապված հայտարարություններից բարկացած Անկարան կարող է հետաձգել «Թուրքական հոսանք» նախագիծը»,- տեղեկացնում է «Zaman»-ը:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |