Հասարակական10:07, 08 Մայիս 2015
Արա Գյուլեր. «Մեր ընտանիքում ցեղասպանության մասին երբեք չի խոսվել»
Թուրքիայի քաղաքացի, ծագումով հայ նշանավոր ֆոտոլրագրող Արա Գյուլերը հարցազրոյց է տվել թուրքական Cine 6 TV-ին: «Երեկ, այսօր վաղը» հաղորդաշարի հյուր Գյուլերը խոսել է իր աշխատանքների, իր ծագման և Հայոց ցեղասպանության թեմայի շուրջ:
Ամեն տարի ապրիլի 24-ին տարբեր երկրների խորհրդարաններում Հայոց ցեղասպանության թեմայի ակտիվացման առթիվ Գյուլերը նշել է, որ քննարկումներ լինում են բոլոր ժամանակներում: Դրանք եղել են և քարե դարում, և «Միություն ու առաջադիմություն» կուսակցության ժամանակաշրջանում, և Սուլթան Սուլեյման Քանունիի օրոք: «Դրանք միմյանց կուտեն, հետո կհանդարտվեն: Այդպես են ստեղծվում պետությունները«,- ասել է ֆոտոլրագրողը:
Ըստ Արա Գյուլերի՝ իրենց ընտանիքում Հայոց ցեղասպանության մասին երբեք չի խոսվել: «Այս ամենը նորություն է, միայն վերջին տասը տարիների ընթացքում է խոսվում, նախկինում նման բան չկար»:
Իրեն Աթաթուրքի ժամանակաշրջանում մեծացած սերնդի ներկայացուցիչ համարող ֆոտոլրագրողը հայտնել է, որ ոչ ոք երբեք պատճառ չի ունեցել իրեն ասելու, թե դու հայ ես: «Եթե ինձ նման բան ասող լինի, կքոթակեմ»:
Պատմելով հոր մասին, ով որպես դեղագործ մասնակցել է Դարդանելի (Չանաքքալե) մարտերին` Գյուլերը նշել է, թե հայրն իրենից թուրք էր, ինքը` հորից:
Ֆոտոլրագրողը նաև նշել է, որ իր առաջին ֆոտոլուրը եղել է Աթաթուրքի կոտրված արձանը: Հաղորդման ընթացքում ֆոտոլրագրողը պատմել է, նաև որ 1958թ. պատահաբար հայտնաբերել է Թուրքիայի Այդընի տարածքում գտնվող Աֆրոդիսիաս անտիկ քաղաքը, համագործակցել է այնպիսի հայտնի արտասահմանյան ամսագրերի հետ, ինչպիսիք են Times-ը, Life-ը, Der Stern-ը, Paris-Match-ը, ներկայացրել է իր հիշողությունները՝ կապված մի շարք համաշխարհային քաղաքական և մշակութային մեծությունների հետ: Նա երազել է լուսանկարել Չա8լի Չապլինին, սակայն իրենց ծանոթության շրջանում Չապլինը կաթվածի պատճառով արդեն անվասայլակի վրա էր և չի ցանկացել այդ վիճակում լուսանկարվել, ուստի ֆոտոլրագրողի երազանքը չի իրականացել:
Այս ենթաբաժնի վերջին նորությունները
աշվի առնելով միջազգային փորձը՝ Թուրքիան նպատակ ունի նվազագույնի հասցնել այն վտանգները, որոնք երեխաները կարող են հանդիպել սոցցանցերում։
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |