Տարածաշրջան07:59, 11 Մայիս 2015
Մահացել է Թուրքիայի նախկին նախագահ Էվրենը, չի հղվել ցավակցության ոչ մի պաշտոնական ուղերձ
Մայիսի 9-ին Թուրքիայի 7-րդ նախագահ Քենան Էվրենի մահվան կապակցությամբ, երկրի վերնախավի կողմից ցավակցական ուղերձ չի հնչել: Ըստ թուրքական «Milliyet» պարբերականի` Էվրենի մահվան օրը Թուրքիայում նշվել է Պետական խորհրդի ստեղծման տարեդարձը, ինչպես նաև մայրերի օրը: Այդ իսկ պատճառով ոչ Թուրքիայի նախագահ Ռեջեփ Թաիփ Էրդողանի, ոչ էլ վարչապետ Ահմեթ Դավութօղլուի կողմից պաշտոնապես չի հղվել ոչ մի ցավակցական ուղերձ Էվրենի մահվան կապակցությամբ:
Ցավակցական ուղերձ չի հղվել նաև Թուրքիայի զինված ուժերի Գլխավոր շտաբի կողմից: Եվ սա այն դեպքում երբ 98 տարեկան հասակում կյանքից հեռացած Թուրքիայի նախկին նախագահը զինվորական էր:
Էվրենի մահվան լուրին արձագանք չի ստացվել նաև Թուրքիայի խորհրդարանի նախագահ Ջեմիլ Չիչեքի, Թուրքիայի ընդդիմադիր «Ժողովրդահանրապետական կուսակցության» (CHP-ԺՀԿ)-ի նախագահ Քեմալ Քըլըջդարողլուի, ինչպես նաև «Ազգայնական շարժում» (ԱՇԿ-MHP)-ի նահագահ Դևլեթ Բահչելի կողմից:
Ի դեպ, մայիսի 9-ին մահացել էր նաև թուրք հայտնի արվեստագետ Զեքի Ալասյան, ինչի կապակցությամբ Էրդողանն իր ցավակցությունն էր հայտնել արվեստագետի ընտանիքին ու թուրք ժողովրդին:
Նշենք, որ Քենան Էվրենի գլխավորությամբ Թուրքիայում 1980 սեպտեմբերի 12-ին տեղի էր ունեցել ռազմական հեղաշրջում` իշխանությունից հեռացնելով Սուլեյման Դեմիրելի կառավարությանը: Իշխանությունն անցել էր զիվորականների ձեռքը, երկրի նախագահ էր դարձել այդ ժամանակ ԶՈՒ ԳՇ-ի պետ գեներալ Քենան Էվրենը, որը պաշտոնավարեց 7 տարի (1982-1989թթ.):
Թուրք պատմաբանների պնդմամբ՝ 1980 թվականի հեղաշրջումը ամենաարյունալին և դաժանն էր թուրքական բանակի կողմից գործադրված նմանատիպ քայլերի շարքում: Հեղաշրջումից հետո ձերբակալվել էր 650.000 մարդ, որոնցից 230.000 հազարը դատապարտվեցին բանտարկության: Իսկ ավելի քան 500 մարդ դատապարտվեց մահապատժի:
2014 թ. թուրքական դատարանն Էվրենին և իր զինակիցներից մեկին` Թուրքիայի ռազմաօդային ուժերի նախկին հրամանատար Թահսին Շահինքայային, դատապարտեց ցմահ ազատազրկման` զրկելով նրանց նաև զինվորական կոչումներից: Դատարանը երկրի 7-րդ նախագահին մեղավոր ճանաչեց Քրեական օրենսգրի 146-րդ հոդվածը խախտելու մեջ, որը խիստ քրեական պատիժ է նախատեսում Սահմանադրության դրույթներն ամբողջությամբ կամ մասամբ կամայականորեն փոփոխության ենթարկելու համար:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |