Մշակութային10:26, 19 Մայիս 2015
Թուրքիայի հայկական «Սայաթ Նովա» երգչախումբը համերգ կտա Ստամբուլում
Թուրքիայի հայկական համայնքում ստեղծված «Սայաթ Նովա» երգչախումբը հանդիսատեսին կներկայանա 100 տարի առաջ ստեղծված հայկական երաժշտական ստեղծագործություններով:
Թուրքական «gercekgundem.com» լրատվակայքի հաղորդմամբ՝ մայիսի 22-ին ժամը 21-ին Ստամբուլի Շիշլի շրջանի քաղաքային մշակութային կենտրոնում կկայանա վերոնշյալ երգչախմբի «Կռունկ» խորագրով համերգը:
«Երգչախումբը, որը կրում է 18-րդ դարի ականավոր հայ գուսան Սայաթ Նովայի անունը, իր գործունեությունը սկսել է 1872թ. ապրիլի 24-ին՝ Բոյաջըկյոյի Սուրբ Երիցս Մանկանց հայկական եկեղեցու հովանու ներքո: Լինելով եկեղեցական երգչախումբ՝ «Սայաթ Նովան» ուսումնասիրել է նաև հայկական ժողովրդական երգերը և կատարել մշակումներ» ,- գրում է թուրքական պարբերականը:
Մելիքջան Զամանի ղեկավարությամբ գործող երգչախմբի առաջիկա համերգի թեման հայերն ու նախորդ դարասկզբի նրանց կենսակերպն է: Համերգին ներկայացվելու են Արևմտյան Հայաստանի տարբեր բնակավայրերում ապրած հայերի առօրյա կյանքն արտացոլող երգեր, ինչպես նաև տարբեր հեղինակների ստեղծագործություններ:
«Համերգին, որի ժամանակ երգերի միջոցով կներկայացվի Սիփան սարից մինչև Մուսա լեռ, Ստամբուլից մինչև Բինգյոլ (Բյուրակն), ու նույնիսկ մինչև Երևան ձգվող պատմությունը, կներկայացվեն նաև հատվածներ Հակոբ Մընձուրու, Զաբել Եսայանի, Գրիգոր Զոհրաբի, Հայկանուշ Մարկի ստեղծագործություններից», - գրում է աղբյուրը:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |