Հասարակական08:44, 16 Հունիս 2015
Ստամբուլում ոգեկոչվել է 1915թ. կախաղան հանված 20 հայ հեղափոխականների հիշատակը
Թուրքիայի Ստամբուլ քաղաքում ոգեկոչվել է 1915թ. հունիսի 15-ին Կ. Պլոսի Բեյազիտ հրապարակում կախաղան հանված սոցիալ-դեմոկրատական Հնչակյան կուսակցության առաջնորդ Փարամազի (Մաթեոս Սարգսյան) և կուսակցության 19 անդամների հիշատակը: Նրանք 1 տարի շարունակ շղթայակապ Պոլսի կենտրոնական բանտի նկուղային հարկում ծայրահեղ վատ պայմանների մեջ են պահվել մինչև մահապատժի իրականացումը:
Թուրքական «Sendika.org» լրատվակայքի վկայությամբ՝ Թուրքիայի հայկական «Նոր Զարթոնք» կազմակերպության նախաձեռնությամբ Ստամբուլի Էդիրնեքափը հայկական գերեզմանատանը հիշատակի արարողություն է անցկացվել: Արարողության ժամանակ հնչեցվել են հայ բանաստեղծների, այդ թվում՝ Վահան Թեքեյանի և Նշան Բեշիքթաշլըյանի ստեղծագործությունները: Միջոցառման մասնակիցները կրել են կախաղան բարձրացված հայ հեղափոխականների նկարներն ու Հնչակյան կուսակցության առաջնորդ Փարամազի վերջին խոսքերը կրող պաստառներ: Կախաղան բարձրանալուց առաջ սոցիալիստ առաջնորդն ասել էր. «Մեզ կարող եք ոչնչացնել, բայց մեր իդեալը՝ երբեք: Մեր իդեալը սոցիալիզմն է: Կեցցե սոցիալիզմը»: Միջոցառմանը մասնակցել են ոչ միայն հայ, այլև թուրք քաղաքացիներ:
Հիշատակի միջոցառման շրջանակներում կազմակերպված մամուլի ասուլիսի ժամանակ կազմակերպիչները հանդես են եկել հայտարարությամբ, որտեղ մասնավորապես ասված է.
«1915թ. ապրիլի 24-ին 200 հայ մտավորականի ձերբակալությամբ Ստամբուլում սկսված մահվան երթը շատ չանցած արդեն ընդգրկեց հազարավորների: Այդ շրջանում ձերբակալվածների թվում էին պետության՝ հայերի հանդեպ վարած քաղաքականության դեմ պայքարող 20 հայ հեղափոխականները, որոնք շատ արագ կազմակերպված դատավարության շրջանակներում մեղադրվեցին «պետության անբաժանելի ամբողջականությանը սպառնացող գործողությունների մեջ» և «Տեղահանման օրենքի» (Tehcir Kanunu) ընդունվելու օրը մահապատժի ենթարկվեցին:
Ցեղասպանությունը միայն մեկ միլիոնից ավելի հայերի սպանությունը չէ, դա նաև այս աշխարհագրական տարածքում մշակութային և ինտելեկտուալ ժառանգության ոչնչացումն է, սոցիալիզմի հիմքերի խարխլումը:
Մենք հարգանքով ենք խոնարհվում բռնության դեմ պայքարող հեղափոխականների առաջ: Նրանց հիշատակը կապրի մեր պայքարի մեջ»:
Այս ենթաբաժնի վերջին նորությունները
Անթալիայում ընթացող բողոքի ակցիաները Պիկաչուի մասնակցությամբ մեծ տարածում են գտել և քննարկվել թուրքական մեդիայում։
Թուրքիայի նախագահը նշել է, որ շատ նահանգներում՝ Ստամբուլից մինչև Մարդին ու Հաթայ, դարեր շարունակ գոյակցում են էզանը, հազանն ու զանգը։
«BBC News»-ի գործադիր տնօրեն Դեբորա Թյորնեսը հայտնել է, որ կատարվածը խորապես մտահոգիչ է և դա կքննարկեն Թուրքիայի իշխանությունների հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անթալիայում ընթացող բողոքի ակցիաները Պիկաչուի մասնակցությամբ մեծ տարածում են գտել և քննարկվել թուրքական մեդիայում։
«BBC News»-ի գործադիր տնօրեն Դեբորա Թյորնեսը հայտնել է, որ կատարվածը խորապես մտահոգիչ է և դա կքննարկեն Թուրքիայի իշխանությունների հետ։
Թուրքիայի նախագահը նշել է, որ շատ նահանգներում՝ Ստամբուլից մինչև Մարդին ու Հաթայ, դարեր շարունակ գոյակցում են էզանը, հազանն ու զանգը։
Մարկո Ռուբիոն անդրադառնոլով Թուրքիայում ընթացող ցույցերին նշել է, որ Վաշինգտոնը ցանկանում է աշխատել Ռեջեփ Թայիփ Էրդողանի հետ։
Փարիզում կայացել է «Խաղաղություն և անվտանգություն Ուկրաինայի համար» խորագրով հանդիպումը, որի ընթացքում հանդիպել են Թուրքիայի փոխնախագահը, Հունաստանի վարչապետը և Կիպրոսի նախագահը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |