Իրավական08:22, 15 Հուլիս 2015
Պոլսահայ լրագրողը հակկընդեմ հայց է ներկայացրել Անկարայի քաղաքապետի դեմ
Պոլսահայ լրագրող, գրող Հայկո Բաղդադը հակընդդեմ հայց է ներկայացրել Անկարայի քաղաքպետ Մելիհ Գյոքչեքի դեմ, ով ավելի վաղ դատ էր բացել Բաղդադի դեմ:
Դատական այս թնջուկի նախապատմությունն այսպիսինն է`
Անկարայի քաղաքապետ Մելիհ Գյոքչեքը 2015 թվականի մարտի 17-ին Twitter-ում Գերմանիայի Բունեսթագի ազգությամբ թուրք պատգամավոր Ջեմ Օզդեմիրին ուղղված հետևյալ գրառումն էր արել. «գերմանական կանաչների կուսակցության պատգամավորին հետաքրքրությունից դրդված հարցնում եմ` խնդրում եմ պատասխանիր Ջեմ Օզդեմիր, դու հայկական արմատներ ունե՞ս»:
Գյոքչեքը իր գրառումն արել էր այն բանից հետո, երբ Օզդեմիրը Գերմանիայի խորհրդարանում Հայոց ցեղասպանության ճանաչման օգտին ծավալուն ելույթ էր ունեցել:
Հայկո Բաղդադն էլ թվիթերում Գյոքչեքի գրառմանն ի պատասխան հետևյալ հեգնական գրառումներն էր արել. «Պատասխանիր Ջեմ Օզդեմիր», «Եղբայր քեզ համար հայը վիրավորա՞նք է», «Մելիհ Գյոքչեքը հայ է», «Քեզ պաշտոնապես հայ անվանեցի, ինձ թվում է կարող ես դատի տալ ինձ մելիքգյոքչեք», «Մայրաքաղաքը պաշտոնապես հայի են վստահել, ինչ սարսափելի է…», «Եղբայր կիրակի օրը սպասե՞մ եկեղեցում, մելիքգյոքչեք», «Բոլորս սգի մեջ ենք, Մելիք Գյոքչեքը հայ է»:
Գյոքչեքը Հայկո Բաղդադի այդ գրառումները հիմք ընդունելով դատի էր տվել վերջինիս` պահանջելով 10 հազար թուրքական լիրա բարոյական վնասի փոխհատուցում: Գյոքչեքն իր հայցը հիմնավորել էր հետևյալ խոսքերով` «Դատական գործի պատճառ հանդիսացող խոսքերն ամբողջությամբ վիրավորանք ու զրպարտություն են և անձնական իրավունքներիս ոտնահարում են հանդիսանում»:
Ըստ թուրքական «haber.sol» լրատվական կայքի` Բաղդադը հակընդդեմ հայց է ներկայացրել Գյոքչեքի դեմ` հայցի համար որպես հիմք ներկայացնելով վերջինիս` հայերի հանդեպ ավելի վաղ ժամանակներում արած վիրավորական գրառումներն ու արտահայտությունները: Բաղդադն իր հայցում ներառել է նաև Գյոքչեքի սեփական հայցը հիմնավորելու համար ասած խոսքերը, որտեղ վերջինս հայ բառը որպես վիրավորանք է ներկայացնում:
Ավելացնենք, որ Անկարայի էքսցենտրիկ քաղաքապետը վաղուց է աչքի ընկնում իր հայատյաց կեցվածքով: Վերջինս մեկ անգամ չէ, որ հայերին վիրավորող արտահայտություններ է օգտագործել նույնիսկ հեռուստահաղորդումների ժամանակ: Բազմաթիվ անգամներ Քուրդիստանի բանվորական կուսակցությունն (PKK-ՔԲԿ) անվանել է հայկական ահաբեկչական կազմակերպություն, հայերին մեղադրել Թուրքիայում ահաբեկչություններ ու դավադրություններ կազմակերպելու, երկիրը մասնատելու և այլ ծրագրեր ունենալու մեջ:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս պատմությունն ականատես-վերապրողի՝ շատախցի Մարուսյա Հակոբյանի խնդրանքով և թելադրանքով է հուշագրված։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Հայտարարությանը զուգահեռ նշվել է, որ Թուրքիան շարունակում է աջակցել Հայաստանի հետ հարաբերությունների կարգավորման գործընթացին։
«Հայոց ցեղասպանությունն սկսվել է 110 տարի առաջ այս օրը։ Նախ հայ մտավորականները, ապա ամբողջ հայ ազգը վտարվեցին իրենց հինավուրց հողերից, ապա սպանվեցին»:
Այսպես է արձագանքել թուրքական մամուլում հակառակը պնդող լուրերին Գերմանիայի տնտեսության և կլիմայի պաշտպանության նախարարության խոսնակ Թիմ-Նիքլաս Վենցելը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |