«ASİMDER»-ը կոչ է անում ադրբեջանական ու թուրքական կազմակերպություններին խոչընդոտել Աղթամարի պատարագը

Հասարակական07:34, 29 Հուլիս 2015

«ASİMDER»-ը կոչ է անում ադրբեջանական ու թուրքական կազմակերպություններին խոչընդոտել Աղթամարի պատարագը

Թուրքական «ASİMDER» հակահայկական կազմակերպությունը շարունակում է Աղթամար եկեղեցում կայանալիք պատարագի խափանմանն ուղղված իր ջանքերը: Կազմակերպության նախագահ Գյոքսել Գյուլբեյը, հանդես գալով հայտարարությամբ, Թուրքիայի իշխանություններին կոչ է արել թույլ չտալ հայերին Ախթամարի Սբ. Խաչ եկեղեցում անցկացնել ամենամյա պատարագը:

Թուրքական «Samsunhaber» լրատվական կայքի տեղեկացմամբ` նա աշխարհի տարբեր երկրներում գործող թուրքական ու ադրբեջանական կազմակերպություններին կոչ է արել միանալ իրենց և խոչընդոտել պատարագը:
«Արտերկրում գտնվող մեր բոլոր կազմակերպություններին սեպտեմբեր ամսին հրավիրում ենք Աղթամար կղզի: Այլևս հանդուրժողականություն չկա: Թուրքիայի արտաքին գործերի և մշակույթի նախարարություններին էլ ենք կոչով դիմում: Այս պատարագները քաղաքական նպատակ են հետապնդում, անհրաժեշտ քայլերը ձեռնարկեք»,-ասել է ազգայնական գործիչը:

Հիշեցնենք, որ ավելի վաղ նույն կազմակերպության ներկայացուցիչ Իրֆան Էրմիշը հայտարարել էր, որ իրենք պատրաստվում են խոչընդոտել հայերի կողմից Վանի Աղթամար կղզու Սբ. Խաչ եկեղեցում ամենամյա պատարագի անցկացումը:
Էրմիշը նշել է, որ հայկական պատարագի անցկացմանը խոչընդոտելու պատճառ այն, որ իբրև Հայաստանի իշխանություններն իրենց թույլ չեն տվել նամազ անել Երևանի կենտրոնում գտնվող Կապույտ մզկիթում:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։