Ստամբուլում վերանորոգումից հետո վերաբացվել է Ստամբուլի Սբ. Նշան հայկական եկեղեցին

Հասարակական08:49, 10 Օգոստոս 2015

Ստամբուլում վերանորոգումից հետո վերաբացվել է Ստամբուլի Սբ. Նշան հայկական եկեղեցին

Ստամբուլի Քարթալ շրջանում վերաբացվել է վերանորոգումն ավարտված Սբ. Նշան հայկական եկեղեցին: Ըստ թուրքական «haberaktuel.com» կայքի` եկեղեցու` 2 տարի տևած վերանորոգումը իրականացվել է Քարթալի քաղաքապետարանի և տարբեր հիմնադրամների աջակցությամբ:

Եկեղեցու բացման արարողությանը մասնակցել են Քարթալի շրջանի ղեկավար Ալթընօք Օզը, քաղաքային խորհրդի անդամներ, Պոլսո հայոց պատրիարքի ընդհանուր փոխանորդ Արամ Արքեպիսկոպոս Աթեշյանը, Թուրքիայի Հիմնադրամների բարձրագույն խորհրդի փոքրամասնությունների ներկայացուցիչ Թորոս Ալջանը, հայ հոգևորականներ, հայ և թուրք քաղաքացիներ:

Բոլոր հյուրերի մասնակցությամբ պատարագ է մատուցվել ու կատարվել եկեղեցու օծման արարողություն:

Նշենք, որ Ստամբուլի Քարթալ շրջանի Սբ. Նշան եկեղեցին կառուցվել է 1776 թվականին:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։