Թուրք դատախազները Հայաստան մուտք չեն գործել, սակայն Թուրքիայում քննարկում են նրանց արտահանձնման հարցը

Իրավական07:02, 12 Օգոստոս 2015

Թուրք դատախազները Հայաստան մուտք չեն գործել, սակայն Թուրքիայում քննարկում են նրանց արտահանձնման հարցը

Նախօրեին թուրքական «Anadolu» լրատվական գործակալությունը տեղեկություն էր տարածել այն մասին , թե պաշտոնանկ արված թուրք դատախազներ Զեքերյա Օզը և Ջելալ Քարան, որոնց ձերբակալելու որոշում է կայացվել, երեկ Վրաստանի տարածքով փախել են Հայաստան:

Գործակալությունը նշում էր, որ նմանատիպ պնդումով հանդես է եկել Արդվինի նահանգապետ Քեմալ Ջիրիթը:

Չնայած նրան, այս պնդումը չհաստատվեց ՀՀ ԱԱԾ-ի կողմից և գերատեսչության մամուլի ծառայությունից հայտնեցին, որ իրեն նման տեղեկության չեն տիրապետում, այնուամենայնիվ թուրքական մամուլում շարունակվում է շրջանառվել այն տեսակետը, թե դատախազները Հայաստանում են:

Իսկ այսօր Թուրքիայի առաջատար թերթերից մեկում` «Միլլիյեթում» տեղ գտած մի հրապարակման մեջ քննարկվում է դատախազների արտահանձնման հարցը:

«Նախկին դատախազների Հայաստան փախնելու փաստը օրակարգ բերեց այն հարցը, թե Թուրքիայի և Հայաստանի միջև արդյոք գոյություն ունի «մեղադրյալների արտահանձնման վերաբերյալ համաձայնագիր»: Պարզվում է Թուրքիան Հայաստանից դատախազների արտահանձնումը կարող է պահանջել «Մեղավորների արտահանձնման վերաբերյալ եվրոպական համաձայնագրի շրջանակներում»,-ասվում է պարբերականի հրապարակման մեջ:

Նշենք, որ Ermenihaber.am-ը փորձել է որոշակի պարզաբանումներ ստանալ վերոհիշյալ թեմայի վերաբերյալ: Իշխանություններին մոտ կանգնած մեր աղբյուրներից, որոնք սակայն նախընտրեցին անանուն մնալ, հնարավոր եղավ պարզել, որ Զեքերյա Օզ և Ջելալ Քարան անուն-ազգանուններով Թուրքիայի քաղաքացիներ մուտք չեն գործել Հայաստանի Հանրապետության տարածք:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։