Թուրքիայում օտարերկրյա դիվանագետներին կոչ է արվել դատապարտել հայերի հանդեպ ռասիզմի դրսևորումները

Հասարակական08:06, 23 Սեպտեմբեր 2015

Թուրքիայում օտարերկրյա դիվանագետներին կոչ է արվել դատապարտել հայերի հանդեպ ռասիզմի դրսևորումները

Սփյուռքում բնակվող հայ փաստաբանների հիմնած «Հայ իրավաբանական միություն» կազմակերպությունը վերջին շրջանում Թուրքիայում հայերի նկատմամբ ատելություն պարունակող հայտարարությունների աճի ու հայկական «Քամփ Արմենի» որբանոցի վրա կատարված հարձակումների կապակցությամբ նամակ է հրապարակել:

Նամակն ուղարկվել է Թուրքիայում ԱՄՆ-ի, Կանադայի Ֆրանսիայի, Մեծ Բրիտանիայի, Իտալիայի, Ավստրալիայի, Գերմանիայի, Բելգիայի, Հունաստանի, Իսպանիայի, Շվեյցարիայի, Ռուսաստանի, Լիբանանի, Եգիպտոսի և Կոլումբիայի հյուպատոսարաններին:

Ըստ Թուրքիայում հրապարակվող հայկական «Ակօս» թերթի` նամակում օտարերկրա դիվանագիտական առաքելություններին կոչ է արվում դատապարտել հայերի դեմ կազմակերպվող հրահրումները: Կազմակերպության նախագահ Հարրի Տիգրանիանի գրած նամակում խոսվում է Քամփ Արմենի վրա կատարված հարձակումներ, թուրք ոստիկանի` քրդերի հասցեին արած «Դուք բոլորդ հայ եք», ազգայնականների` «Ջիզրեն քրդերի համար, Քուրթուլուշն էլ հայերի համար է գերեզմանոց դառնալու» և նմանատիպ այլ արտահայտություններ մասին:

Նամակում հյուպատոսարաններին կոչ է արվում աջակցել պաշտոնատար անձանց կողմից հայերի նկատմամբ ատելություն սերմանող հայտարարությունների կանխարգելման գործին:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։