Իրավական05:03, 30 Սեպտեմբեր 2015
Թուրքական դատարանում քննվում է Պոլսի հայոց պատրիարքի փոխանորդից գումար շորթելու գործը
Ստամբուլի 16-րդ ծանր հանցագործությունների դատարանում տեղի է ունեցել ոմն Քեմալ Թայֆուն Նարգինի դեմ Պոլսի հայոց պատրիարքի փոխանորդ Արամ արքեպիսկոպոս Աթեշյանի բացած դատավարության նիստը: Ըստ թուրքական «Haberler» լրատվական կայքի` Աթեշյանը Նարգինին դատի է տվել «Սանասարյան տուն» անվամբ շինությունը պատրիարքարանին վերադարձնելու իրավական գործընթացը կազմակերպելու պատրվակով 6 հազար թուրքական լիրա շորթելու մեղադրանքով:
Աթեշյանի ներկայացրած բողոքի մեջ նշվում է, որ վերջինս 2013 թվականին տեղի ունեցած մի հյուրասիրության ընթացքում այն ժամանակվա վարչապետ Ռեջեփ Թայիփ Էրդողանի հետ «Սանսարյան տունը» պատրիարքարանին վերադարձնելու թեմայով զրույց է ունեցել, որի ընթացքում Էրդողանը խոստացել է հնարավորինս անխոչընդոտ պայմաններում կազմակերպել համապատասխան գործընթացը:
Դեպքից 3-4 օր անց Աթեշյանին է զանգահարել Նարգինը և ներկայացել իբրև կառավարությանն առընթեր պետական սեփականության վարչության տեսուչ:
Այնուհետև Նարգինը գնացել է պատրիարքարան, հայտնել, որ «Սանասարյան տան» վերադարձման որոշումն արդեն կայացված է, Աթեշյանին ստորագրել է տվել որոշ փաստաթղթեր և պահանջել ու ստացել 6.000 թուրքական լիրա իբրև փաստաթղթային ծախսեր: Աթեշյանը որոշ ժամանակ անց կառավարությունից հետաքրքրվել է Նարգինի մասին և հասկացել որ խարդախության զոհ է դարձել, ինչից հետո էլ կանխամտածված խարդախության մեղադրանքով դատի տվել վերջինին:
Նիստին, որին ներկա չի գտնվել հայցվոր Արամ Աթեշյանը, կասկածյալ Նարգինը հերքել է մեղադրանքները` ասելով, որ ինքն իրոք այցելել է պատրիարքարան սակայն որպես հայերենի թարգմանիչ, քանի որ MİT-ին (Ազգային հետախուզության ծառայություն) պետք էր այդ գործով ստուգել Աթեշյանի մոտ գտնվող հայերեն փաստաթղթերը: Նարգինը, նշելով, որ մինչև 2012 թվականը ինքը ևս աշխատել է MİT-ում, ասել է, որ ինքը միայն կարդացել է հայերեն փաստաթղթերը և հերքել Աթեշյանից գումար վերցնելու մեղադրանքները: Դատական հանձնաժողովը որոշել է հետաձգել նիստը մինչ գրավոր հարցմամբ կպարզի, թե արդյոք Նարգինը աշխատել է MİT-ում:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |