«Քրիստոնյա-ալևիական բարեկամության» խմբի հայազգի խոսնակը սկանդալային գրառում է կատարել

Հասարակական13:55, 01 Հոկտեմբեր 2015

«Քրիստոնյա-ալևիական բարեկամության» խմբի հայազգի խոսնակը սկանդալային գրառում է կատարել

Գերմանիայի «Քրիստոնյա-դեմոկրատական միություն» կուսակցության նախաձեռնությամբ ստեղծված «Քրիստոնյա-ալևիական բարեկամության» (CAF) խմբի անդամ և խոսնակ ծագումով հայ Մադլեն Վարթյանը «Facebook»-ում գրառում է կատարել Պաղեստինի Բեյթուլլահմ քաղաքում գտնվող եկեղեցու ոչնչացման մասին:

Ըստ թուրքական «habervakti» լրատվամիջոցի` Գերմանիայի հայկական խորհրդի փոխնախագահի պաշտոնը զբաղեցնող Վարթյանը գրառման մեջ՝ արտահայտելով իր զայրույթը մահմեդական թուրքերին, արաբներին ու քրդերին անվանել է ավազակախմբեր:

Նա նշել է թեև կատարվածի մեղավորները պաղեստինցի ծայրահեղականներն են, սակայն պատասխանատուն ողջ սուննիական աշխարն է:

Անդրադառնալով Եվրոպա գաղթած փախստականներին՝ Վարթյանը կարծիք է հայտնել, որ դեմոկրատական և լիբերալ կառույցները, ինչպես նաև մարդու իրավունքների եվրոպացի պաշտպաններն իբր իրենց դռներն են բացել փախստականների առաջ, իրականում «Եվրոպային ծախված շներ են»:

Վարթյանի այս գրառումը քննադատության է արժանացել (CDU)-ի դաշնային պատգամավոր ծագումով թուրք Ջեմիլե Յուսուֆի կողմից, որը նույպես գրառում է կատարել սոցցանցերում:

«Քրիստոնյա-ալևիական բարեկամության խմբից հրապարակված վերջին գրառումն ուղղակի ինձ շոկի մեջ գցեց: Այդ խոսքերը լցված էին բոլոր ժողովուրդների և կրոնական խմբերի նկատմամբ ատելությամբ և մենք չենք ընդունում »,- ասված է գրառման մեջ:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։