Տնտեսական08:22, 15 Հոկտեմբեր 2015
Հայտնի է դարձել Թուրքիայում կառուցվելիք 3-րդ ատոմակայանի վայրը
Թուրքիայի էներգետիկայի և բնական պաշարների նախարար Ալի Ռիզա Ալաբոյունը հայտարարել է, որ Թուրքիայում կառուցվելիք 3-րդ ատոմակայանի ամենահավանական վայրը հյուսիս-արևմտյան Քըրքլարելի նահանգում գտնվող Իղնեադա ծովափնյա ավանն է:
Lրագրողների այն դիտարկմանը, թե էլեկտրաէներգիա արտադրող ու բաշխող թուրքական ընկերությունները տարադրամի փոխարժեքի փոփոխությունների պատճառով մեծ վնասներ են կրում և սնանկացման եզրին են, թուրք նախարարը պատասխանել է, որ այդ ընկերություններն իրոք վնասներ են կրել, սակայն վարչապետ Դավութօղլուի գլխավորությամբ ընկերություններին օգնելու ուղղությամբ աշխատանքներ են իրականացվում:
Ալաբոյունը հայտնել է նաև, որ 3-րդ ատոմակայանի կառուցման ուղղությամբ արդեն որոշակի աշխատանքներ են սկսել չինական կողմն ու ամերիկյան «Westinghouse» ընկերությունը, որոնց հետ թուրքական կողմը փոխըմբռնման հուշագիր է ստորագրել: Թուրք նախարարը նշել է նաև, որ վերջին հանգամանքը չի խանգարում իրենց նոր, ավելի շահավետ պայմաններով առաջարկների շուրջ բանակցություններ վարել:
Նշենք, որ Թուրքիայի առաջին ատոմակայանը կկառուցի ռուսական «Ռոսատոմ» ընկերությունը միջերկրածովյան Մերսին նահանգի Աքքույու վայրում։ Աքքույուի ատոմակայանի հզորությունը կկազմի 4800 մեգավատ (1200 մեգավատ հզորությամբ 4 էներգաբլոկ)։
Երկրորդ ատոմակայանը կառուցվելու է սևծովյան Սինոպում, այդ ատոմակայանի հզորությունը կազմելու է 4400 մեգավատ (1100 մեգավատ հզորությամբ 4 էներգաբլոկ), կառուցելու է ֆրանս-ճապոնական Mitsubishi-Areva կոնսորցիումը։ Նախատեսվում է այդ ատոմակայանները շահագործման հանձնել մինչև 2023 թվականը, երբ Թուրքիայում նշեն հանրապետության հիմնադրման 100-ամյակը։
Այս ենթաբաժնի վերջին նորությունները
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Իրաքի առևտրի նախարար Աթիր Դավուդն անդրադարձել է Թուրքիայի հետ ունեցած առևտրատնտեսական հարաբերություններին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |