Տարածաշրջան13:22, 30 Հոկտեմբեր 2015
Էրդողանը Սիրիայում քրդերին հարվածելու մասին. «Դա նախազգուշացում էր»
Թուրքիայի նախագահ Ռեջեփ Թայիփ Էրդողանը մեկնաբանել է, թե ինչու է Թուրքիայի ԶՈՒ-ն հարվածներ հասցրել Սիրիայում գործող քրդական «Ժողովրդավարական միություն կուսակցությանը» (քրդերեն՝ Partiya Yekitiya Demokrat-PYD): Թուրքական «Ulusalkanal» լրատվական կայքի տեղեկացմամբ՝ Էրդողանն նշել է, որ դա նախազգուշացում էր PYD-ին, որը ցանկանում էր անցնել Եփրատը:
«Չենք ցանկանում, որ այն ինչ տեղի է ունեցել Հյուսիսային Իրաքում, Հյուսիսային Սիրիայում էլ լինի: PYD-ն ցանկացել է Եփրատը անցնել, սակայն մեր զինվորները օդային գործողություն իրականացնելով, դա թույլ չեն տվել: Սա զգուշացում էր, և Թուրքիան դրա համար որևէ մեկից թույլտվություն ստանալու կարիք չունի»,- հավելել է Էրդողանը:
Թուրքական կայքը ընդգծելով, որ Թուրքիան հարվածելով PYD-ին, մեծացնում է լարվածությունը Անկարա-Վաշինգտոն հարաբերություններում, գրում է, որ Էրդողանի հայտարարությանն արձագանքել է ԱՄՆ նախագահ Բարաք Օբամայի հատուկ ներկայացուցիչ Ջոն Ալենը: Նա նշել է, որ Թուրքիան ուզում է վերահսկել ԱՄՆ-ի և PYD-ի հարաբերությունները, և դա այժմ երկու երկրների առջև ծառացած ամենամեծ խնդիրներից մեկն է:
Հիշեցնենք, որ Թուրքիայի վարչապետ Ահմեթ Դավութօղլուն հոկտեմբերի 27-ին հայտարարել էր, որ իրենց զինված ուժերը 2 անգամ հարվածել են Սիրիայի հյուսիսում ամենաազդեցիկ քաղաքական ուժը հանդիսացող քրդական PYD-ի դիրքերին:
Նշենք, որ Թուրքիայի իշխանությունները PYD-ին իր ռազմական թևի` YPG–ի հետ միասին բազմիցս մեղադրել են Թուրքիայում ահաբեկչական կազմակերպություն ճանաչված «Քուրդիստանի բանվորական կուսակցության» (PKK-ՔԲԿ) ազդեցության տակ լինելու մեջ: Թուրքական իշխանությունները հիվանդագին են արձագանքում Սիրիայի հյուսիսում քրդական քաղաքական հոսանքների գրանցած հաջողություններին, որոնք կարող են ճանապարհ բացել այդ հատվածում քրդական ինքնավարության համար: Թուրքիայի բարձրագույն քաղաքական ղեկավարները բազմիցս հայտարարել են, որ չեն պատրաստվում թույլ տալ Սիրիայի հյուսիսում` Թուրքիայի անմիջական հարևանությամբ, քրդական ինքնավարության ստեղծումը:
Այս ենթաբաժնի վերջին նորությունները
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |