Քաղաքական13:25, 12 Նոյեմբեր 2015
Թուրք հրապարակախոս . «ԵՄ-ն վերջ դրեց Թուրքիայի անդամակցության գործընթացին»
Եվրամիությանը (ԵՄ) Թուրքիայի անդամակցության գործընթացի շրջանակներում Թուրքիայի առաջընթացի վերաբերյալ ԵՄ հանձնաժողովի կողմից կազմվող ամենամյա զեկույցն այս տարի հրապարակվեց 1 ամիս ուշացումով: Թուրքական ընդդիմադիր «Taraf» պարբերականի տեղեկացմամբ՝ զեկույցում խստորեն քննադատվել են Թուրքիայում մարդու հիմնարար իրավունքների և ժողովրդավարության սկզբունքների ոտնահարումն ու մամուլի և դատական համակարգի անազատությունը: Նախորդ 17 զեկույցների համեմատ հատկապես ընդարձակ և քննադատական բաժին է հատկացվել Թուրքիայում մամուլի ազատության խնդրին:
Հայտնի թուրք հրապարակախոս, «Taraf»-ի սյունակագիր Ջենգիզ Աքթարը ԵՄ զեկույցը համարել է «թույլ և սխալ»: Հրապարակախոսը նշել է, որ նախորդ բոլոր զեկույցներն էլ ճշտորեն արտացոլել են Թուրքիայում մարդու իրավունքների պատկերը և միշտ բացասական գնահատական են տվել: Իսկ այս տարվա զեկույցը, ըստ Աքթարի, նախորդներից ավելի թույլ է: Բացի այդ, պարբերաբար հետաձգվելու պատճառով զեկույցը այլևս հավատ չի ներշնշում և վստահելի չէ:
«Օրինակ զեկույցի 4-րդ էջում ասվում է, որ քաղաքական հարցերով բարեփոխումների ընթացքը դանդաղել է՝ հաճախակի ընտրությունների պատճառով: Սա նշանակում է. «եթե ընտրություններ են անցկացվում, բարեփոխումներ չեն կարող իրականացվել»: Դա շատ անհեթեթ միտք է և ոչ մի կերպ չի համապատասխանում ԵՄ-ի ավանդույթներին»:
«Taraf»-սյունակագիրն անդրադարձել է նաև այն հանգամանքին, որ զեկույցում խոսվում է Թուրքիայում գրանցված «դրական զարգացումների մասին»: Աքթարը հիշեցնում է, որ վերջին երկու տարիներին քրդերի հետ կնքված զինադադարը արդեն խախտված է, ուստի ԵՄ-ն «դրական զարգացում է փնտրել»: Եվ որպես այդպիսին ներկայացվել է սիրիացի գաղթականների հարցում Թուրքիայի կողմից կիրառվող «բաց սահմանների» քաղաքականությունը: Հրապարակախոսն առաջ է քաշում այն կարծիքը, որ սա ԵՄ-ի կողմից գիտակցաբար կատարված քայլ է, իսկ Թուրքիայի նշյալ «դրական» քայլը որևէ կապ չունի ԵՄ-ին անդամակցության կամ ժողովրդավարության հետ:
«Կարող ենք ասել, որ այս զեկույցով ԵՄ-ն քողարկված ձևով վերջ դրեց Թուրքիայի անդամակցության գործընթացին: ԵՄ-ն փակեց Թուրքիայի անդամակցության գործը: Իսկ քանի որ Անկարայի իշխանություններն էլ մեծ ցանկություն չունեին, կարող ենք ասել, որ Թուրքիայի ԵՄ-ական ապագան խավարեց»:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |