Մարզական18:06, 25 Նոյեմբեր 2015
Ռուսական ինքնաթիռի կործանումը վնաս կհասցնի Թուրքիայի սպորտային տուրիզմին
Ռուսական SU-24 ռազմական ինքնաթիռի խոցումից հետո սկսված ռուս-թուրքական ճգնաժամի պատճառով Թուրքիան կարող է կորցնել մարզական համալիրներից ստացող եկամուտների 70%-ը: Այս մասին տեղեկացնող թուրքական «Դողան» լրատվական գործակալությունը գրում է, որ մի շարք երկրների, հատկապես Ռուսաստանի ֆուտբոլի առաջնությանը մասնակցող ակումբները չեղարկում են Անթալիայում անցկացվելիք ձմեռային հավաքների համար կատարված ամրագրումները:
Ըստ գործակալության տվյալների՝ 2013 թվականին միայն Անթալիայի շրջանի 1300 մարզական համալիրից ստացվել էր 50 միլիոն եվրո եկամուտ, իսկ 2014 թվականի հունվարից ապրիլ ընկած ժամանակահատվածում 2500 մարզական համալիր 100 միլիոն եվրո եկամուտ էր ապահովել:
Նշվում է, որ այս ցուցանիշը 2015 թվականին պետք է ավելի մեծ լիներ, սակայն ինքնաթիռի հետ կապված միջադեպի, ինչպես նաև Սիրիայի հետ սահմանին նկատվող ակտիվության պատճառով կանխատեսվում է մինչև 70% կորուստ:
Անթալիայում մարզական հավաքներ էին իրականացնում Գերմանիայի, Բուլղարիայի, Հունաստանի, Չինատանի, Հարավային Կորեայի, Ճապոնիայի, Կանադայի, Հարավային Աֆրիկայի, Արգենտինայի, Բրազիլիայի, Լեհաստանի, Նորվեգիայի և այլ երկրների մարզական խմբերը: Սակայն, ինչպես տեղեկացնում է Անթալիայի սպորտային զբոսաշրջության միության նախագահ Ֆերիթ Թուրգութը, դրանց 50 տոկոսը կազմում էին Ռուսաստանից եկած խմբերը:
«Ցավոք, երեկ և այսօր մի շարք ամրագրումրեն չեղարկվել են: 2014 թվականին 100 միլիոն եկամուտ էինք ստացել: Այս տարի սպասում էինք, որ ավելի շատ եկամուտ կլինի, սակայն տեղի ունացած դեպքերի պատճառով մի շարք երկրների և հատկապես Ռուսաստանի խմբերը սկսեցին չեղարկել իրենց ամրագրումները»,- ափսոսանք է հայտնել Թուրգութը:
Այս ենթաբաժնի վերջին նորությունները
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Ակումբն առաջիկա 3 տարում զրկված կլինի նոր ֆուտբոլիստներով համալրվելու տրանսֆերային պատուհանի հնարավորությունից։
Արձանի համար ծախսվել է 400.000 թուրքական լիրա՝ մոտավորապես 11.400 ամերիկյան դոլար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |