Տարածաշրջան13:12, 01 Դեկտեմբեր 2015
«Իսլամական պետությունը» ստրուկներ է վաճառում Թուրքիայում գտնվող գրասենյակների միջոցով
Գերմանական «ARD » հեռուստաալիքը փաստեր է հրապարակել այն մասին, որ Թուրքիայում ստրուկների վաճառքի բազմաթիվ գրասենյակներ կան: Ըստ թուրքական ընդդիմադիր «Cumhuriyet» թերթի կայքի՝ «Իսլամական պետություն» ահաբեկչական կազմակերպությունը (ԻՊ-İŞİD) գերի վերցրած եզդի կանանց ու երեխաներին վաճառում է ստրկության, իսկ Թուրքիան այդ հարցում միջնորդի դեր է կատարում:
Քուրդ Էբու Միթալն իրենց հարազատներին փրկել ցանկացող եզդի ընտանիքների խնդրանքով դիմել է նման գրասենյակներից մեկին՝ 11 տարեկան մի երեխայի և երեք երեխաների մայր Հյուդա Էլիասին փրկելու համար: Իսկ ԻՊ-ի միջնորդների հետ հաղորդակցման ու փրկագնի հանձնման ողջ գործընթացը նկարահանվել է գաղտնի տեսախցիկների միջոցով:
Փրկագինը նշանակելուց հետո գրասենյակից Միթալին հրահանգել են մեկնել Գազիանթեփ և սպասել հրահանգի: Այստեղ Whatsapp –ի միջոցով քուրդ միջնորդը հաղորդագրություն է ստացել, որում նշված է եղել ԻՊ-ի հետ կապված գրասենյակի հասցեն և այն անձի տվյալները, ում անհրաժեշտ էր հանձնել փրկագինը:
11-ամյա երեխայի փրկության համար ԻՊ-ի միջնորդները պահանջել են 15.000 ԱՄՆ դոլար: Էբու Միթալը անհրաժեշտ գումարը հանձնել է Անթեփում գտնվող գրասենյակ, որտեղ բացառապես սիրիացիներ են աշխատելիս եղել: Գումարը հաշվվել է հատուկ սարքի միջոցով: Այնուհետև քուրդ միջնորդը հետագա կապի է սպասել Սիրիայի մի հյուրանոցում և կրկին Whatsapp-ի միջոցով տեղեկացվել է, որ երեխայի հանձնման համար նա հեռախոսազանգ կստանա:
Ըստ աղբյուրի՝ վերջին տարվա ընթացքում Էբու Միթալը 250 եզդի կին ու երեխա է փրկել ԻՊ-ից: Այդ նպատակով ԻՊ-ին 2.5 մլն դոլարից ավելի գումար է վճարվել: Հայտնի է դարձել նաև, որ ահաբեկչական խմբավորումը համարակալում է իր մոտ գտնվող եզդի կանանց, երեխաներին և լուսանկարների հետ տեղադրում ինտերնետում՝ վաճառքի նպատակով: Ըստ ստացված տեղեկության՝ ԻՊ-ը երիտասարդ կանանց համար 20.000 դոլար փրկագին է պահանջում:
Այս ենթաբաժնի վերջին նորությունները
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |