Մշակութային08:21, 09 Դեկտեմբեր 2015
«Դիարբեքիրի պատմամշակութային կոթողները մահանում են». Radikal -ի անդրադարձը
«Դիարբեքիրի պատմական կառույցները մեռնում են»: Այսպիսի վերնագրով է թուրքական կայքը ներկայացրել Դիարբեքիրում առաջին օսմանյան մզկիթի՝ Քուրշուն ջամիի, հայկական եկեղեցիների և այլ արժեքավոր կառույցների համար ստեղծված ծայրահեղ վտանգավոր դրությունը: «Radikal» թերթի սյունակագիր Օմեր Էրբիլը անդրադարձել է Դիարբեքիրի պատմամշակութային կոթողների անխնա ոչնչացման հանգամանքին:
«Քաղաքի շուրջը տարածվող Դիարբեքիրիի ամրոցի, Անզելե գետակի, Դիջլեի հովտի մասը կազմող Հեվսելի այգիների տարածքը ներառված է ՅՈՒՆԵՍԿՕ-ի Համաշխարհային մշակութային ժառանգության ցուցակում: Այս տարածքին հարակից մի ընդարձակ շրջան էլ՝ Դիարբեքիրի Սուր շրջանը, ինչպես նաև որոշ քաղաքացիական ճարտարապետական կառույցներ, մզկիթներ, եկեղեցիներ նույնպես ընդգրկված են մշակութային ժառանգության ցուցակում:
Սակայն վերջին ամիսներին այս շրջանում տեղի ունեցած բախումները պատմական այս կոթողներին անդառնալի վնասներ հասցրեցին: Ցավալի է տեսնել, որ ահաբեկչական գործողությունների պատճառով վնասվում են հազարավոր տարիների ընթացքում բազմաթիվ շրջափակումների, ապստամբությունների, պատերազմների թոհուբոհով անցած և չնայած այդ ամենին՝ կանգուն մնացած այս պատմական քաղաքի մշակութային կոթողները,»- գրում է Օմեր Էրբիլը:
«Միջին Արևելքի ամենամեծ եկեղեցու՝ Սուրբ Կիրակոս հայկական եկեղեցու մոտակայքում ռումբի պայթյունի պատճառով կառույցը մեծապես վնասվել էր: Նույն կերպ վնաս է կրել նաև հայկական կաթոլիկ եկեղեցին»,- գրում է «Radikal»-ի թղթակիցը՝ անդրադառնալով նաև օրեր առաջ Քուրշունլու ջամիի հրդեհման և այդ մզկիթի պահպաման կոչով հանդես եկած Դիարբեքիրի փաստաբանների պալատի նախագահ Թահիր Էլիչիի սպանության դեպքերին:
Էրբիլին նշում է նաևայն հանգամանքը ,որ ՅՈՒՆԵՍԿՕ-ի տվյալների համաձայն ահաբեկչությունների պատճառով վերջին շրջանում միայն Սիրիայում ավերվել է 300 պատմամշակութային կոթող և 450 քաղաքացիական ճարտարապետական կառույց:
«Քուրշունլու ջամիին վնաս հասցնող մտածելակերպը ոչնչով չի տարբերվում Պալմիրայի տաճարը պայթեցնող «Իսլամական պետության» (ԻՊ- İŞİD) վարվելակերպից: Մշակութային ժառանգության պահպանումն ու հաջորդ սերունդներին փոխանցելը յուրաքանչյուրի պարտականությունն է»,- եզրափակում է լրագրողը:
Այս ենթաբաժնի վերջին նորությունները
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։
«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |