Ստամբուլում տեղի ունեցած պայթյունից զոհվել է 10 մարդ, վիրավորվել՝ 15-ը

Տարածաշրջան09:58, 12 Հունվար 2016

Ստամբուլում տեղի ունեցած պայթյունից զոհվել է 10 մարդ, վիրավորվել՝ 15-ը

Այսօր առավոտյան տեղական ժամանակով ժամը 10:20-ին Ստամբուլի զբոսաշրջային կենտրոններից մեկում՝ Սուլթանահմեթ հրապարակում, ուժգին պայթյուն է որոտացել:

Պայթյունի հետևանքով զոհվել է 10 հոգի, վիրավորել է՝ 15-ը: Այս մասին «CnnTürk»-ի ուղիղ եթերում հայտնել է առողջապահության նախարարության Ստամբուլի նահանգային վարչության պետ Սելամի Ալբայրաքը:

Թուրքական «Milliyet» թերթի կայքը, հիմնվելով ականատեսների հայտնած տեղեկությունների վրա, նշում է, որ պայթյունը տեղի է ունեցել Սուլթանահմեթ մզկիթի հարևանությամբ շրջող զբոսաշրջիկների խմբի մեջ:

Ոստիկանական ուժերը շրջափակել են տարածքը, դադարեցվել է երթևեկությունը: Ըստ որոշ տեղեկությունների՝ երկրորդ պայթյունի հավանականություն կա: Այդ պատճառով դեպքի վայրում աշխատում է ռումբի վնասազերծման սակրավորների խումբ:

Նախնական տեղեկությունների համաձայն՝ պայթյունն իրականացվել է մահապարտի կողմից, բայց այս տեղեկություն դեռևս հաստատված չէ:

Հաղորդվում է, որ փոխվարչապետ Նուման Քուրթուլուշի կարգադրությամբ Թուրքիայի ռադիոյի և հեռուստատեսության բարձրագույն խորհուրդը (RTÜK) ժամանակավորապես արգելել է պայթյունի վերաբերյալ լուրերի հրապարակումը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։