Քաղաքական07:13, 13 Հունվար 2016
Ընդդիմադիր կուսակցապետը մեղադրել է հետախուզությանը՝ Ստամբուլի ահաբեկչությունը չկանխելու համար
Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն Ստամբուլի Սուլթանահմեթ հրապարակում տեղի ունեցած պայթյունի առթիվ քննադատել է երկրի իշխանություններին և հետախուզական համակարգի գործունեությունը: Թուրքական «Hürriyet»-ի տեղեկացմամբ՝ ԺՀԿ խորհրդարանական խմբակցությունում ելույթ ունեցած Քըլըչդարօղլուն մասնավորապես ասել է.
«Որտե՞ղ էր ձեր հետախուզությունը: Այդ հետախույզները զբաղված են միայն մեզ հետևելով, դրա համար էլ ահաբեկիչներին հետևելու ժամանակ չունեն: Ամոթ է: Ստամբուլում՝ զբոսաշրջության սրտում, մահապարտը պայթյուն է իրականացնում և դուք ոչինչ չեք կարողանում ձեռնարկել: Այս կառավարությունը չի կարող կառավարել Թուրքիան: 21-րդ դարում հնարավոր չէ Թուրքիան կառավարել 3-րդ կարգի մասնագետներով: Եթե չեք կարողանում ղեկավարել, հեռացեք, թող գան նրանք, ովքեր կարող են ղեկավարել»:
Քըլըչդարօղլուն քննադատաբար է մոտեցել այն իրողությանը, որ Սուլթանահմեթի պայթյունից շատ չանցած լրատվամիջոցներին արգելվեց լուսաբանել դեպքը: Ըստ նրա՝ կառավարությունը չպիտի որոշի, թե հանրությունը ինչ չափով պետք է տեղեկացված լինի:
Ընդդիմադիր կուսակցապետը հիշեցրել է, որ Թուրքիան մամուլի ազատության տեսակետից աշխարհում 149-րդ տեղն է զբաղեցնում և լրագրողների նկատմամբ բռնությունները բացահայտ բնույթ են կրում երկրում:
«Նույնիսկ Աֆղանստանում ու Նիգերիայում մամուլն ավելի ազատ է, քան Թուրքիայում»,- նշել է Քըլըչդարօղլուն՝ քննադատելով նաև երկրի դատաիրավական համակարգի գործունեությունը:
Հիշեցնենք, որ հունվարի 12-ի առավոտյան Ստամբուլի Սուլթանահմեթ հրապարակում տեղի ունեցած պայթյունի հետևանքով առնվազն 10 քաղաքացի է զոհվել, ևս 15-ը վիրավորվել են: Ականատեսների վկայությամբ՝ պայթյունի հետևանքով հիմնականում տուժել է տարածքում գտնվող գերմանացի զբոսաշրջիկների խումբը:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |