Թուրքիայում հետաքննություն է սկսվել 1.128 գիտնականի նկատմամբ

Իրավական07:50, 15 Հունվար 2016

Թուրքիայում հետաքննություն է սկսվել 1.128 գիտնականի նկատմամբ

Ստամբուլի հանրապետական դատախազությունը հետաքննություն է սկսել 1.128 գիտնականի նկատմամբ, ովքեր օրեր առաջ ստորագրել էին «Այս մեղքին հանցակից չենք դառնա» հայտարարության տակ:

Ըստ թուրքական «Samanyoluhaber.com» լրատվական կայքի` գործը հարուցվել է Թուրքիայի քրեական օրենսգրքի տխրահռչակ 301 հոդվածի` «Թուրք ժողովրդին, Թուրքիայի հանրապետությունը և պետական կառույցները նսեմացնելու», ինչպես նաև Թուրքիայի քաղաքացիական օրենսգրքի 7-րդ հոդվածի հատկանիշներով` «ահաբեկչական կառույցի օգտին քարոզչություն անել»:

Ինչպես հայտնում են թուրքական լրատվամիջոցները, Քոջաելի քաղաքում իրավապահներն արդեն ձերբակալել են 19 գիտնականի:

Հիշեցնենք, որ Թուրքիայի Սիլվան, Սուր, Նուսայբին, Ջիզրե, Սիլոփ շրջաններում տևական ժամանակ շարունակվող պարետային ժամերի և բախումների դեմ որպես բողոքի նշան կյանքի կոչված «Հանուն խաղաղության» նախաձեռնությունն օրերերս հանդես էր եկել հայտարարությամբ:

«Մենք այս մեղքին հանցակից չենք դառնա» կարգախոսը կրող հայտարարության տակ ստորագրել էին աշխարհի 89 համալսարաններում աշխատող 1.128 գիտնական, ինչպես նաև՝ շուրջ 400 աջակից ողջ աշխարհից: Նրանք պահանջել էին անմիջապես դադարեցնել վերը նշված շրջաններում բնակչության հանդեպ կիրառվող բռնություններն ու սահմանափակումները:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։