Եվրադատարանը մերժել է պարետային ժամի դեմ բողոքող Թուրքիայի քաղաքացիների դիմումները

Իրավական09:35, 15 Հունվար 2016

Եվրադատարանը մերժել է պարետային ժամի դեմ բողոքող Թուրքիայի քաղաքացիների դիմումները

Մարդու իրավունքների եվրոպական դատարանը (ՄԻԵԴ) մերժել է Թուրքիայի Շըրնաք նահանգի Սիլոփի, Ջիզրե շրջաններում և Դիարբեքիրի Սուր շրջանում հայտարարված պարետային ժամը չեղարկելու պահանջով ներկայացված 5 դիմում:

Թուրքական «Hurriyet» թերթը տեղեկացնում է, որ դիմումները ներկայացվել էին Սիլոփի, Ջիզրեի և Սուրի 5 բնակչի անունից: Իրենց հայցադիմումի մեջ նրանք պահանջել են դատական որոշմամբ չեղարկել պարետային ժամը, դադարեցնել թուրք ուժայինների գործողությունները կամ միջոցներ ձեռնարկել դրանք միջազգային չափանիշներին համապատասխան իրականացնելու համար:

ՄԻԵԴ-ը դիմումները մերժել է՝ հիմնավորելով այս փուլում միջամտելու համար բավարար հիմնավորումների և փաստերի բացակայությամբ: Եվրադատարանն այս որոշման համար հաշվի է առել նախկինում նմանատիպ դիմումների առնչությամբ Թուրքիայի արդարադատության նախարարության՝ դատարանին ներկայացրած դիրքորոշումը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։