Քաղաքական13:57, 21 Հունվար 2016
Դավութօղլուն կրկին մեղադրել է Ռուսաստանին և պաշտպանել Սիրիայի չափավոր ընդդիմության շահերը
Շվեյցարական Դավոս քաղաքում «Թուրքիայի համաշխարհային դերը» խորագրով ժողովի ընթացքում Թուրքիայի վարչապետ Ահմեթ Դավութօղլուն խոսել է տարածաշրջանային զարգացումների մասին: Նա ներկայացրել է մի շարք պայմաններ, որոնց առկայության դեպքում պատրաստ է աջակցել Սիրիայի իշխանությունների և ընդդիմության միջև նախատեսվող բանակցություններին: Ինչպես տեղեկացնում է թուրքական ընդդիմադիր «Zaman» թերթը, վարչապետի ներկայացրած պայմաններից մեկը բանակցություններում Սիրիայի չափավոր ընդդիմության պատշաճ ներկայացվածությունն է, ինչպես նաև ահաբեկչական խմբերի ներկայացուցիչների մասնակցության բացառումը:
Դավութօղլուն Սիրիայի իշխանությունների հետ բանակցող կողմ դիտարկում է միայն ընդդիմադիր Սիրիայի ազգային կոալիցիային՝ նշելով, որ այլ խմբերի, այդ թվում նաև Սիրիայի քրդական «Ժողովրդական պաշտպանության ուժերի» (YPG), մասնակցությունն իրենց համար ցանկալի չէ:
Իսկ ինչ վերաբերում է բանակցություններին Սիրիայի քրդական ուժերի մասնակցությանը, ապա Դավութօղլուն ասել է, որ Սիրիայի նախագահ Բաշար Ասադի հետ համագործակցող YPG-ն, եթե ցանկանում է բանակցությունների սեղանի շուրջ նստել, կարող է տեղ զբաղեցնել Ասադի կողքին: Ըստ Թուրքիայի կառավարության ղեկավարի՝ իրենք չեն խառնվում այն հարցին, թե իշխանությունների կողմից ովքեր են մասնակցելու բանակցություններին:
Խոսելով Սիրիայում «Իսլամական պետություն» (ԻՊ) ահաբեկչական կազմակերպության դեմ պայքարում Ռուսաստանի ներգրավվածության մասին՝ Դավութօղլուն շեշտել է, որ Սիրիայում ռուսական ռազմական ինքնաթիռները հարվածում են այն չափավոր ուժերին, որոնց աջակցում է Թուրքիան ԻՊ-ի դեմ պայքարելու համար: Թուրքիայի վարչապետը, նշելով, որ ԻՊ-ի դեմ պայքարում միջազգային պարտավորվածություն, կոնսենսուս և համակարգում է հարկավոր, ափսոսանք է հայտնել, որ ռուսական ինքնաթիռները ԻՊ-ի փոխարեն թիրախ են ընտրում չափավոր ուժերին:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |