Թուրքիայում ևս 8 մլն փախստականի ներգաղթի վտանգ են տեսնում

Հասարակական07:29, 27 Հունվար 2016

Թուրքիայում ևս 8 մլն փախստականի ներգաղթի վտանգ են տեսնում

Թուրքիայի խորհրդարանի փախստականների իրավունքների ենթահանձնաժողովում քննարկել են Սիրիայում շարունակվող պատերազմից տուժած մոտ 8 մլն մարդու՝ Թուրքիա ներգաղթելու հնարավոր ռիսկերը:

Ըստ թուրքական «superhaber.tv» լրատվական կայքի` Թուրքիայի աղետների և արտակարգ իրավիճակների կառավարման վարչության պետ Ֆուաթ Օքթայը հայտարարել է, որ այդ ռիսկը մեծանում է Սիրիայում Ռուսաստանի գործողությունների հետևանքով:

«Ենթադրվում է, որ բախումներից առաջ Սիրիայի բնակչությունը կազմել է 21 մլն, որոնցից 12.5 մլն-ը լքել են իրենց տները: 4.5 մլն-ը արդեն լքել են Սիրիան, որոնցից 2.5 միլիոնն այժմ Թուրքիայում է: Հավանականություն կա, որ մնացած 8 միլիոնը ևս դուրս կգան Սիրիայից: Դա շատ լուրջ ռիսկ է»,- շեշտել է Օքթայը:

Վերջինս հիշեցրել է նաև, որ Թուրքիան արդեն 8 մլրդ դոլար է ծախսել երկրում գտնվող ավելի քան 2.5 մլն փախստականների կարիքների հոգալու համար:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։