Բախումների պատճառով Դիարբեքիրի ասորական Սբ. Աստվածածին եկեղեցին փլուզման եզրին է

Հասարակական12:13, 29 Հունվար 2016

Բախումների պատճառով Դիարբեքիրի ասորական Սբ. Աստվածածին եկեղեցին փլուզման եզրին է

Դիարբեքիրի Սուր շրջանում բախումները գնալով սաստկանում են: Թուրքական «İnternethaber.com» լրատվակայքը տեղեկացնում է, որ հունվարի 28-ին տեղի ունեցած բախումների և պայթյունների հետևանքով մեծապես տուժել է տեղի 1750 ամյա Սբ. Մարիամ Աստվածածին ասորական եկեղեցին:

Եկեղեցու քահանան՝ Յուսուֆ Աքբուլութը, ով ընտանիքի հետ բնակվում է կից կառույցում, ստեղծված օրհասական դրության պատճառով հարկադրված է եղել լքել եկեղեցին:

Սբ. Մարիամ Աստվածածին եկեղեցու թաղամասում օրեր առաջ արգելվել է ելումուտը: Տարածքում ամենուր խրամատներ են փորվել, բարիկադներ կառուցվել: Նույնիսկ ոստիկանությունը խուսափել է քահանայի ընտանիքին դուրս բերելու նպատակով թաղամաս մտնելուց: Այդ պատճառով Աքբուլութը սպիտակ դրոշը պարզած է դուրս եկել եկեղեցուց և այդպես կարողացել է հեռանալ թաղամասից:

Քահանան հայտնել, որ ռումբեր պայթյունների հետևանքով սբ. Մարիամ Աստվածածին եկեղեցին մեծապես տուժել է, ինչի պատճառով այնտեղ մնալն այլևս վտանգավոր է դարձել:

«Էլեկտրականությունը, ջուրն ու հեռախոսակապը անջատվեցին, իսկ գիշերը սկսվեցին բախումները: Այնպիսի պայթյուններ էին որոտում, որ եկեղեցին հիմքից ցնցվում էր, պատերը վնասվել էին: Քիչ էր մնում, որ առաստաղը գլուխներիս փուլ գա»,- պատմել է Աքբուլութը:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։