Տարածաշրջան18:15, 31 Հունվար 2016
Ահմեթ Դավութօղլու. «Մեկ անգամ ևս զգուշացնում ենք Ռուսաստանին»
![Ահմեթ Դավութօղլու. «Մեկ անգամ ևս զգուշացնում ենք Ռուսաստանին»](https://www.ermenihaber.am/news_images/26/75114_2/310120161902441141834_2.jpg)
Պաշտոնական այցով Սաուդյան Արաբիայում գտնվող Թուրքիայի վարչապետ Ահմեթ Դավութօղլուն մամուլի ասուլիսի ժամանակ անդրադարձել է ռուս-թուրքական թեմային: Նա տեղեկացրել է, որ նախօերին ռուսական ինքնաթիռի կողմից Թուրքիայի օդային սահմանը հերթական անգամ խախտելու մասին իրազեկվել են դաշնակից երկրների արտգործնախարարները, միջազգային պատկան հաստատությունները, այդ թվում և ՆԱՏՕ-ն: Անկարայում Ռուսաստանի դեսպանը հրավիրվել է Թուրքիայի արտգործնախարարություն և պատշաճ կարգով նախազգուշացվել:
«Աշխարհի ոչ մի երկիր մեկուսի չէ: Եթե որևէ տեղ լինում է օդային սահմանի խախտում, դա հնարավոր չէ թաքցնել: Ռուսաստանի կոմղից արված որոշակի խախտումները կոծկելը պարզապես անհնար է»,- ըստ «DHA» լրատվական գործակալության՝ նշել է վարչապետ Դավութօղլուն՝ հավաստիացնելով, որ ռուսական ինքնաթիռի սահմանային խախտումն արձանագրվել է թե թուրքական և թե ՆԱՏՕ-ի ռադարների կողմից:
Դավութօղլուն հերթական անգամ մեղադրել է Սիրիայում գտնվող ռուսական զինուժին «Իսլամական պետություն» ահաբեկչկական կազմակերպության դեմ պայքարի անվան տակ տեղի չափավոր ընդդիմության ուժերը թուլացնելու մեջ: Դժգոհություն հայտնելով Սիրիայում ռուսական օդուժի գործողություններից՝ Դավութօղլուն նշել է, որ դրանցից էապես տուժում են Թուրքմենդաղ շրջանի բնակչությունը՝ «թուրքմեն եղբայրները»:
«Մեկ անգամ ևս զգուշացնում ենք Ռուսաստանին: Չենք կարծում, թե Սիրիայի ընդդիմադիր հատվածներին վնաս հասցնելը և Թուրքիայի օդային տարածքի նկատմամբ սպառնալից պահվածք դրսևորելը բխում են Ռուսաստանի շահերից: Սահմանի ողջ երկայքնով ձեռնարկված են անհրաժեշտ միջոցառումներ»,- ընդգծել է Դավութօղլուն՝ տեղեկացնելով, որ ռուսական ինքնաթիռը 2 անգամ նախազգուշացվել է ռուսերեն և անգլերեն լեզուներով:
Թուրքական «Milliyet»-ը հայտնում է, որ Թուրքիայի օդուժի ավիաբազաներում հայտարարվել է տագնապի «նարնջագույն» մակարդակ: Կործանիչները բերվել են պատերազմական և հարձակողական վիճակի:
Հիշեցնենք, որ նախօրեին Թուրքիայի արտգործնախարարությունը հանդես էր եկել գրավոր հայտարարությամբ ռուսական օդուժին պատկանող SU-34 ինքնաթիռի կողմից Թուրքիայի օդային սահմանի խախտման կապակցությամբ:
Այս ենթաբաժնի վերջին նորությունները
![Երկրաշարժ Բինգյոլում](https://www.ermenihaber.am/news_images/93/278927_1/0251564.thumb.jpg)
Ցնցվել է Թուրքիայի արևելյան հատվածում գտնվող Բինգյոլ նահանգի Քարլըովա շրջանը:
![Թուրքիայում անտառային հրդեհները հնգապատկվել են](https://www.ermenihaber.am/news_images/93/278661_1/0230865.thumb.jpg)
2024-ի հունիսի 1-ից 21-ն ընկած ժամանակահատվածում գրանցվել է 399 անտառային հրդեհ, իսկ 2023-ի նույն ժամանակահատվածում՝ 84։
![«Թուրքիայի թոքերը վառվում են»․ թուրքական մամուլ](https://www.ermenihaber.am/news_images/93/278358_1/5688.thumb.png)
Թուրքիայի տարբեր նահանգներում երկարատև անտառային հրդեհներ են
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրակարգում է եղել Պաղեստինի Գազայի հատվածում տիրող իրավիճակը և Լիբանանում հետզհետե աճող լարվածությունը:
Վիրավորվել է 11 մարդ: Նրանք տեղափոխվել են մոտակայքում գտնվող հիվանդանոցներ:
Թուրքիայի պետական սեփականություն հանդիսացող նավթագազային խոշոր կորպորացիան համապատասխան հայտարարության մեջ տարածվող լուրերը որակել է անհիմն պնդումներ:
Նշվում է, որ մարդիկ նման քայլի են գնացել ավելի վաղ տարածված տեղեկությունների հիման վրա, որոնց համաձայն, մի սիրիացի տղամարդ բռնություն էր գործադրել երեխայի նկատմամբ:
Այս առնչությամբ Թուրքիայի դիվանագիտական աղբյուրները հայտարարություն են տարածել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |