Տարածաշրջան12:21, 01 Փետրվար 2016
Էրդողանը սպառնացել է Ռուսաստանին
Թուրքիայի նախագահ Ռեջեփ Թայիփ Էրդողանը սպառնացել է Ռուսաստանի նախագահ Վլադիմիր Պուտինին: Չիլի մեկնելուց առաջ օդանավակայանում լրագրողների հետ ունեցած զրույցի ժամանակ Էրդողանը անդրադարձել է ռուսական օդուժին պատկանող ռազմական ինքնաթիռի կողմից օրերս Թուրքիայի օդային սահմանը խախտելու լուրերին:
«Չնայած անգլերեն ու ռուսերեն լեզուներով մեր հնչեցրած բոլոր նախազգուշացումներին՝ ռուսական ռազմական ինքնաթիռը խախտել է մեր օդային սահմանը: Մեր կարծիքով դրա պատճառն այն է, որ Ռուսաստանն ամեն կերպ ջանում է խորացնել ճգնաժամը տարածաշրջանում: Եթե Ռուսաստանը շարունակի ոտնձգությունները Թուրքիայի ինքնիշխանության իրավունքի դեմ, ապա ստիպված կլինի հաշտվել դրա հնարավոր հետևանքների հետ»,- հայտարարել է Թուրքիայի նախագահը:
Էրդողանը հիշեցրել է, որ Թուրքիայի օդային սահմանը միևնույն ժամանակ ՆԱՏՕ-ի օդային սահմանն է, հետևաբար, խնդիրը նաև ՆԱՏՕ-ի ուշադրության կենտրոնում է: Նրա կարծիքով՝ Ռուսաստանի ռազմական գործողությունները Սիրիայի տարածքում իրականում ոչ մի կապ չունեն «Իսլամական պետություն» (ԻՊ-İŞİD) ահաբեկչական խմբավորման դեմ պայքարի հետ, այլ ուղղված են Սիրիայի իշխանություններին աջակցելուն:
«Նման անպատասխանատու քայլերը ձեռնտու չեն ոչ Ռուսաստանի Դաշնությանը, ոչ Ռուսաստան-ՆԱՏՕ հարաբերություններին և ոչ էլ առավել ևս կարող են նպաստել տարածաշրջանային կամ միջազգային խաղաղությանը: Ընդհակառակը, այդ քայլերը լուրջ վնաս կարող են հասցնել այս ամենին»:
Էրդողանը նշել է, որ այս ամենը քննարկվել է հունվարի 30-ի երեկոյան արտգործնախարարություն հրավիրված Անկարայում Ռուսաստանի դեսպանի հետ: Դեսպանին հաղորդվել է, որ թուրքական կողմը խտորեն դատապարտում է տեղի ունեցածը:
Էրդողանը հիշեցրել է նաև, որ ինքը ցանկություն է հայտնել անձամբ հանդիպելու Վլադիմիր Պուտինի հետ, սակայն դեռևս որևէ պատասխան չի ստացել:
Այս ենթաբաժնի վերջին նորությունները
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |