Միջազգային07:38, 10 Փետրվար 2016
ՄԱԿ-ն ու ԵՄ-ն Թուրքիային կոչ են արել բացել սահմանները սիրիացիների առաջ
Միացյալ ազգերի կազմակերպությունն (ՄԱԿ) ու Եվրամիությունը (ԵՄ) Թուրքիային կոչ են արել բացել սահմանները սիրիացի գաղթականների առաջ: Այս մասին տեղեկացնում է թուրքական «Habertürk» լրատվակայքը:
Մասնավորապես ՄԱԿ-ի փախստականների հարցերով գերագույն հանձնակատարի գրասենյակի (UNHCR) խոսնակ Ուիլյամ Սպինդլերը հայտարարել է. «Մենք պահանջում ենք, որպեսզի Թուրքիան բացի սահմանները վտանգից փախչող և օգնության կարիք ունեցող բոլոր սիրիացի քաղաքացիական անձանց համար՝ ինչպես որ արել է մինչև հիմա»:
Նա ընդգծել է, որ թեև Թուրքիան ապաստան է տվել Սիրիայից փախած վիրավոր և խիստ կարիքավոր անձանց, այնուամենայնիվ, սահմանին դեռ հազարավոր փախստականներ են սպասում:
Իսկ անցյալ շաբաթ նմանատիպ կոչ էր հնչեցվել նաև Ամստերդամում կայացած նախարարների ոչ պաշտոնական հանդիպման ժամանակ: Նշյալ հանդիպմանը Հոլանդիայի արտգործնախարար Բերտ Կոենդեսը հայտարարել էր.
«Տեսել եմ Թուրքիայի սահմանով մեկ սփռված փախստականների լուսանկարները: Մարդասիրական օգնության կարիք ունեցող այս մարդկանց առջև պետք է բացվեն սահմանները: ԵՄ արտաքին հարաբերությունների գծով բաձրագույն ներկայացուցիչ Ֆեդերիկա Մոգերինին ևս կիսում է այս կարծիքը»:
Նշենք, որ Թուրքիայի Քիլիս քաղաքի մոտակայքում գտնվող Օնջուփընար սահմանային անցակետը արդեն մեկ տարի է՝ փակ է: Թուրքիան վերջին շրջանում երկիր մտնելու իրավունք է տվել Սիրիայից եկած շուրջ 15000 վիրավոր, հիվանդ ու ծեր փախստականների, սակայն սահմանի մյուս կողմում դեռ հազարավոր մարդիկ սպասում են մուտքի իրավունք ստանալուն:
Այս ենթաբաժնի վերջին նորությունները
ԱՄՆ նախագահ Ջո Բայդենը պաշտոնաթող լինելուց առաջ թարմացրել է Սիրիայի վերաբերյալ 2019-ի հրամանագիրը։
Այդ մասին հայտարարել է Թուրքիայի Հանրապետության ներդրումային գրասենյակի նախագահը։
Կողմերը պայմանավորվածություն են ձեռք բերել հրադադրի ջանքերը շարունակելու վերաբերյալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
ԱՄՆ նախագահ Ջո Բայդենը պաշտոնաթող լինելուց առաջ թարմացրել է Սիրիայի վերաբերյալ 2019-ի հրամանագիրը։
Հունվարի 17-ին Ադրբեջանի զինված ուժերի անձնակազմն ու տեխնիկան Դիլիջուի անցակետով հասել են Թուրքիա:
Թուրքիայի ԱԳՆ. «Այս որոշումը գնահատում ենք որպես կոպիտ սխալ, որը հանգեցնելու է կղզու ռազմականացման գործընթացի սաստկացմանը»:
Թուրքական «Baykar» ընկերության արտադրության «TB-3» անօդաչու թռչող սարքը բարեհաջող թռիչք և վայրէջք է կատարել Թուրքիայի «Anadolu» ամվիֆբիական ռազմանավի վրա:
2024 թվականի հունվար-նոյեմբերին հումքի հիմնական մատակարարը եղել է Բրազիլիան (4.64 մլն տոննա)։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |