Զինված հարձակումներ՝ թուրքական իշխանամետ «Yeni Şafak» և «Yeni Akit» թերթերի խմբագրության վրա

Հասարակական08:59, 11 Փետրվար 2016

Զինված հարձակումներ՝ թուրքական իշխանամետ «Yeni Şafak» և «Yeni Akit» թերթերի խմբագրության վրա

Թուրքիայում անհայտ անձինք հարձակվել են «Yeni Şafak» և «Yeni Akit» թերթերի խմբագրության շենքերի վրա: Թուրքական «Haberler» լրատվական կայքը, գրում է, որ առավոտյան ժամը 5-ին անհայտ անձը կամ անձինք մոլոտովյան կոկտել են նետել և անկանոն կրակ բացել «Yeni Şafak» խմբագրության ուղղությամբ:

Համաժամանակյա հարձակում է կատարվել նաև «Yeni Akit»-ի խմբագրության վրա: Մի քանի հոգի կրակ են բացել շենքի ուղղությամբ և թերթին պատկանող փոքր բեռնատարի վրա մոլոտովյան կոկտել են նետել:

Հարձակումների ժամանակ զոհեր չեն եղել, նյութական վնաս է հասցվել երկու թերթերի խմբագրության շենքերին:

Նշենք, որ երկու թերթն էլ ունեն ազգայնական ուղղվածություն: «Yeni Şafak»-ը պատկանում է «Ալբայրաք հոլդինգին», որը ըստ «Hürriyet» թերթի, սկսել է ընդլայնվել, երբ Թուրքիայի ներկայիս նախագահ Ռեջեփ Թայիփ Էրդողանը ստանձնել էր Ստամբուլի քաղաքապետի պաշտոնը: Ըստ նույն աղբյուրի՝ «Yeni Şafak»-ը համարվում է Էրդողանի սիրելի թերթերից մեկը: «Yeni Akit»-ը իսլամիստական և ազգայանական ուղղվածությամբ օրաթերթ է, որը հայնտի է իշխող «Արդարություն և զարգացում» կուսակցությանը (AKP-ԱԶԿ) և Էրդողանին ցուցաբերած աջակցությամբ: Ըստ «Հրանտ Դինքի հիմնադրամի» զեկույցներից մեկի՝ այս թերթը աչքի է ընկնում այլատյացությամբ՝ հատկապես հրեաների, սեռական փոքրամասնությունների և աթեիստների նկատմամբ:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։