Թուրքիայում վերջին 5 տարում ավելի քան 15 արյունոտ ահաբեկչություն է տեղի ունեցել

Հասարակական10:12, 18 Փետրվար 2016

Թուրքիայում վերջին 5 տարում ավելի քան 15 արյունոտ ահաբեկչություն է տեղի ունեցել

Վերջին 5 տարում Թուրքիայում արձանագրվել է 15 արյունալի ահաբեկչություն, որոնց զոհ է գնացել 266 քաղաքացի, վիրավորվել՝ 765-ը:Այս մասին գրում է թուրքական «Zaman» թերթի կայքը՝ մանրամասներ ներկայացնելով դեպքերից յուրաքանչյուրի վերաբերյալ:

Ահաբեկչությունները մեծ մասամբ տեղի են ունենում խոշոր քաղաքներում (Ստամբուլ, Անկարա, Հաթայ, Գազիանթեպ, Շանլըուրֆա, Դիարբեքիր)` մահապարտների կամ նախապես տեղադրված ռումբերի միջոցով:

Ահա այդ ահաբեկչությունների ժամանակագրությունը.

17 փետրվարի 2016թ. - Անկարայի սրտում, որտեղ գտնվում են Թուրքիայի խորհրդարանի, Պետեկամուտների կոմիտեի, Զինված ուժերի (ԶՈւ) գլխավոր շտաբի, ռազմածովային և ռազմաօդային զորքերի հրամանատարության շենքերը, զինվորականներին տեղափոխող ավտոբուսների մոտակայքում պայթուցիկներով բեռնված ավտոմեքենա պայթեցվեց: Պայթյունը 28 մարդու մահվան և 61 մարդու վիրավորվելու պատճառ է դարձել:

12 հունվարի 2016թ. - Ստամբուլի Սուլթանահմեթ հրապարակում մահապարտի իրականացրած պայթյունից 10 մարդ զոհվեց, որոնցից 8-ը՝ Գերմանիայի քաղաքացի: Եվս 15-ը վիրավորվեցին:

10 հոկտեմբերի 2015թ. - Անկարայի երկաթուղային կայարանի հարակից հրապարակում իրարահաջորդ 2 ուժգին պայթյունների հետևանքով սպանվեց 103 խաղաղ բնակիչ: Վիրավորվեց 238 մարդ, որոնցից 48՝ ծանր: Այս ահաբեկչությունը համարվում է Թուրքիայի պատմության մեջ տեղի ունեցած ամենաարյունալի իրադարձությունը:

2 օգոսոտոսի 2015թ. - Աղրըի (Արարատ) Դողուբայազըտ շրջանում պայթեցվեց 2 տոննա պայթուցիկ նյութերով բեռնված տրակտոր, ինչի հետևանքով 2 զինվոր զոհվեց, 24-ը՝ վիրավորվեց:

20 հուլիսի 2015թ. - Շանլըուրֆա նահանգի Սուրուչ շրջանում մահապարտի իրականացրած պայթյունին զոհ գնաց 34 քաղաքացի, եղան 103-ից ավելի վիրավորներ:

6 հունվարի 2015թ. - Ստամբուլի Սուլթանահմեթ հրապարակում «Իսլամական պետության» (ԻՊ- İŞİD) մահապարտ Դիանա Ռամազանովայի պայթեցրած ռումբը 1 ոստիկանի կյանք խլեց և ևս մեկի վիրավորվելու պատճառ հանդիսացավ:

11 մայիսի 2013թ.- Հաթայի Ռեյհանի շրջանում տեղի ունեցած երկու պայթյունների հետևանքով 52 քաղաքացի զոհվեց, ևս 146-ը վիրավորվեց: Դեպքը հայտնի դարձավ որպես մինչ այդ Թուրքիայի Հանրապետությունում տեղի ունեցած ամենաարյունալի ահաբեկչությունը:

11 փետրվարի 2013թ. - Հաթայի Ռեյհանլը շրջանի Ջիլվեգյոզյու սահմանային անցակետի մոտ պայթուցիկով բեռնված մեքենայի պայթյունի հետևանքով 13 մարդ զոհվեց, որոնցից 4-ը՝ Թուրքիայի քաղաքացի: Եվս 26-ը վիրավորվեց:

1 փետրվարի 2013թ. - Անկարայի Ամերիկյան հյուպատոսության դիմաց մահապարտի իրականացրած ահաբեկչության հետևանքով 2 մարդ զոհվեց, 1-ը ծանր վիրավորվեց:

11 սեպտեմբերի 2012թ.- Ստամբուլլի Սուլթանգազիի ոստիկանատուն մտած մահապարտի ինքնապայթեցման հետևանքով մեկ ոստիկան մահացավ, 3 ոստիկան և 4 քաղաքացիական անձ տարբեր վնասվածներ ստացան:

20 օգոստոսի 2012թ. - Գազիանթեփում մուսուլմանական ռամազան տոնի երկրորդ օրը ԻՊ-ի իրականացրած ահաբեկչական գործողության հետևանքով 10 մարդ զոհվեց, որոնցից 4-ը՝ երեխա: Վիրավորվեց 66 քաղաքաղի:

25 մայիսի 2012թ.-Կայսերիում ԻՊ-ի մահապարտների իրականացրած պայթյունի հետևանքով 1 ոստիկան և 3 ահաբեկիչ զոհվեց, 16 քաղաքացի վիրավորվեց:

29 հոկտեմբերի 2011թ.- Բինգյոլում իրականացված ահաբեկչությունը 3 անձի մահվան և 20 հոգու վիրավորվելու պատճառ դարձավ:

30 սեպտեմբերի 2011թ. - Անթալիայում մահապարտը գործարկած ռումբը ևս մեկ ոստիկանի մահվան պատճառ հանդիսացավ:

20 սեպտեմբերի 2011թ. Անկարայի փողոցի մի անկյունում կայանված ավտոմեքենայի պայթյունը 5 քաղաքացու կյանք խլեց, 40 հոգի վիրավորվեցին:

Հավելենք նաև, որ ավելի վաղ թուրքական «Sendika.org» լրատվակայքում թեմայի վերաբերյալ տեղ գտած հոդվածում նշված արյունալի իրադարձություններից որոշները դուրս են մնացել այս ցուցակից: Դրանք են.

13 մայիսի 2014թ.- Թուրքիայի Մանիսա նահանգի Սոմա շրջանի վթարված ածխահանքում հրդեհի հետևանքով կյանքից հեռացավ 301 հանքափոր:

5 հունիսի 2015թ. - Դիարբեքիրում տեղի ունեցած պայթյունի հետևանքով զոհվեց քրդամետ «Ժողովուրդների դեմոկրատական» կուսակցության (ԺԴԿ-HDP) 5 ներկայացուցիչ: Վիրավորվեց ավելի քան 400 քաղաքացի:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։