Իրավական13:08, 24 Փետրվար 2016
Էրդողանին վիրավորելու համար նախկին ֆուտբոլիստին 4 տարվա ազատազրկում է սպառնում
Թուրք նախկին ֆուտբոլիստ և նախկին ԱԶԿ-ական (Արդարություն և զարգացում կուսակցություն-AKP) պատգմավոր Հաքան Շուքյուրի դեմ դատական գործընթաց է սկսվել երկրի նախագահ Ռեջեփ Թայիփ Էրդողանին վիրավորելու համար :
Ըստ թուրքական «Sondakika.com» կայքի` հետաքննության համար հիմք է հանդիսացել 2015 թվականի փետրվարի 12-ին «Twitter»-ի իր միկրոբլոգում Հաքան Շուքյուրի արած գրառումը, որն, ըստ Ստամբուլի Բաքըրքյոյ շրջանի դատախազության, վիրավորական արտահայտություններ է պարունակել նախագահ Էրդողանի և նրա որդու հասցեին:
Աղբյուրը նշում է, որ նախկին ֆուտբոլիստի դեմ հայց է ներկայացվել Էրդողանի փաստաբան Ահմեթ Օզելի և Բեքիր Սավրամ անունով քաղաքացու կողմից:
Պաշտպանական կողմը հերքել է մեղադրանքները` նշելով, որ գրառման մեջ օգտագործված արտահայտություններն ուղղված չեն եղել Էրդողանին: Սակայն մեղադրական եզրակացության մեջ նշվում է, որ հայցվոր կողմի ներկայացրած նյութերի արդյունքում հիմնավորվել է փաստը, որ գրառումն հասցեագրված է հենց Թուրքիայի նախագահին:
Դատախազությունը մեղադրական եզրակացությամբ Շուքյուրի համար «նախագահին վիրավորելու» մեղադրանքով պահանջել է 1-4 տարվա ազատազրկում: Բաքըրքյոյի 28-րդ քրեական դատարանն արդեն նշանակել է գործով առաջին դատական նիստի օրը:
Նշենք, որ Հաքան Շուքյուրը, ով Թուրքիայում հայտնի է գյուլենական համայնքի հետ ունեցած սերտ կապերով, պատգամավորական մանդատից հրաժարվել էր 2013 թվականի դեկտեմբերի 17-ին` երկրում պայթած հայտնի կոռուպցիոն սկանդալի նախօրեին:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |