Քուրդ զինյալները վարժանքների ժամանակ որպես թիրախ օգտագործում են Աթաթուրքի պատկերը

Հասարակական09:03, 24 Փետրվար 2016

Քուրդ զինյալները վարժանքների ժամանակ որպես թիրախ օգտագործում են Աթաթուրքի պատկերը

Թուրքիայում ռազմական վարժանքներ անցկացնող քուրդ զինյալները որպես թիրախ են օգտագործում երկրի հիմնադիր և առաջին նախագահ Մուստաֆա Քեմալ Աթաթուրքի պատկերը:

Թուրքական «Haberler.com» լրատվակայքի համաձայն՝ Սիրիայի քրդական «Ժողովրդական ինքնապաշտպանական ուժերի» (ԺԻՈՒ- YPG) կանանց թևի ներկայացուցիչ, Դենիզ ծածկանունով կին զինյալը Թուրքիայում հրաձգության դասեր է անցկացնում «Քուրդիստանի բանվորական կուսակցությանը» (ՔԲԿ - PKK) շուրջ 30 գրոհայինի համար:

Ռազմական պարապմունքներն իրականացվում են Սիլվանում: Իսկ վարժանքների ժամանակ որպես թիրախ օգտագործվում է Աթաթուրքի լուսանկարը: Մամուլում տեղ են գտել այդ դիպուկահարներին և թիրախ-Աթաթուրքին պատկերող լուսանկարներ:

Առաջ քաշված վարկածի համաձայն՝ PKK-ի զինյալները նախապատրաստվում են՝ Դիարբեքիրի Սուր շրջանում և Ջիզրեյում թուրքական անվտանգության ուժերի դեմ պայքարում որպես դիպուկահարներ մասնակցելու համար: