Թուրքիա. անտիդեպրեսանտներ չենք օգտագործում, ուրեմն երջանիկ ենք

Հասարակական06:58, 27 Փետրվար 2016

Թուրքիա. անտիդեպրեսանտներ չենք օգտագործում, ուրեմն երջանիկ ենք

Թուրքիան աշխարհում հինգերորդ ամենաերջանիկ երկիրն է: Թուրքական «ensonhaber.com» լրատվակայքի տեղեկացմամբ՝ այս եզրակացությունն արվել է՝ հիմնվելով միջազգային Տնտեսական համագործակցության և զարգացման կազմակերպության (OECD) հրապարակած վերջին հաշվետվության տվյալների վրա:

Հաշվետվությունը կազմվել է տարբեր երկրներում անտիդեպրեսանտների կիրառության մակարդակի ուսումնասիրության հիման վրա: Ընդ որում, հաշվի է առնվել ոչ թե օգտագործված դեղահաբերի քանակը, այլ դրանց չափաբաժինը (դոզան):

Այսպիսով, աշխարհում ամենաքիչ անտիդեպրեսանտ օգտագործող երկրների շարքում Թուրքիան հինգերորդն է: Առաջին հորիզոնականնները զբաղեցնում են Չիլին, Կորեան, Էստոնիան, Հունգարիան:

Իսկ ամենաշատ անտիդեպրեսանտ օգտագործող երկիրը Իսլանդիան է: Երկրորդ տեղում գտնվում է Ավստրալիան, նրան հաջորդում են Պորտուգալիան և Կանադան:

2000թ. հետո կազմակերպությանն անդամ մի շարք երկրներում զգալիորեն մեծացել է անտիդեպրեսանտների օգտագործումը:

Աղբյուր` Ermenihaber.am