«Շարլի Էբդո եղաք, Փարիզ եղաք, լավ, իսկ Անկարա կլինե՞ք»

Հասարակական13:35, 14 Մարտ 2016

«Շարլի Էբդո եղաք, Փարիզ եղաք, լավ, իսկ Անկարա կլինե՞ք»

Անկարայում բնակվող երաժիշտ Ջեյմս Թեյլորը նախօրեին Անկարայում տեղի ունեցած ահաբեկչական պայթյունից հետո «Facebook» սոցիալական ցանցի իր էջում գրառում է կատարել՝ աշխարհին կոչ անելով կարեկցանք ցուցաբերել թուրք ժողովրդի նկատմամբ:

Թուրքական «Habertürk» լրատվական կայքը հայտնում է, որ երաժշտի գրառումը մեծ արձագանք է ստացել սոցիալական ցանցում՝ արժանանալով բազմաթիվ օգտատերի հավանությանը: Շուրջ 30 հազար օգտատեր տարածել է երաժշտի գրառումը, որտեղ հեղինակը նշում է, որ Անկարան էլ եվրոպական մայրաքաղաքների պես «նորմալ, ժամանակակից քաղաք է», իսկ Թուրքիան էլ Մերձավոր Արևելքը չէ, պատերազմի դաշտ չէ:

«Լոնդոնում, Փարիզում, Նյու Յորքում իրականացված ահաբեկչական հարձակումներին զոհ գնացածների համար վշտանալը սովորական է, բայց ինչո՞ւ նույն բանը չկա Անկարայի դեպքում: Ո՞րն է պատճառը. գուցե Թուրքիան համարում եք հիմնականում մահմեդականներով բնակեցված Սիրիայի և Իրաքի նման երկի՞ր, իսկ գուցե այն համարում եք մի երկիր, որտեղ քաղաքացիական պատերազմնե՞ր են ընթանում»,- հարցնում է գրառման հեղինակը՝ ավելացնելով, որ երբեք ոչ մի տեղ իրեն այնքան երջանիկ և անվտանգ չի զգացել, որքան Թուրքիայում:

Վերջում Թեյլորը, խոսքն ուղղելով միջազգային հանրությանը, գրել է. «Շարլի Էբդո եղաք, Փարիզ եղաք, լավ, իսկ Անկարա կլինե՞ք»:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։