Ցեղասպանություն07:57, 16 Մարտ 2016
Թուրք-բուլղարական համագործակցությունը դադարեցվել է Հայոց ցեղասպանության հարցի պատճառով
Վերջին շրջանում լարված թուրք-բուլղարական հարաբերություններն ևս մեկ ցնցում են գրանցել ապրիլի 24-ի նախաշեմին:
Թուրքական «Demokrathaber.net» լրատվական կայքի հայ լրագրող, սյունակագիր Հրանտ Գասպարյանը, հղում անելով բուլղաական «bTV» հեռուստաալիքին, տեղեկացնում է, որ Թուրքիայի արտգործնախարարությունը կասեցրել է համագործակցությունը Բուլղարիայի Բուրգաս, Խասկովո և Սվիլենգրադ քաղաքների հետ, որն իրականացվում է երկու երկրների միջև անդրսահմանային համագործակցության շրջանակներում:
Թուրքիայի արտգործնախարարության կողմից Եվրամիության ֆինանսավորմամբ իրականացվող համագործակցության չեղարկման պատճառը է Խասկովո քաղաքում Հայոց ցեղասպանության հիշատակին այգի անվանակոչելու և Բուրգասի ու Սվիլենգրադի քաղաքային խորհուրդների կողմից ցեղասպանությունը ճանաչող ու դատապարտող որոշումների ընդունումն է:
Աղբյուրը տեղեկացնում է, որ այս որոշման հետևանքով բուլղարական քաղաքները կզրկվեն տարեկան մոտ 1 միլիոն դոլոր ֆինանսավորումից, որն օգտագործում էին բնական աղետների հետևանքները վերացնելու ու շրջակա միջավայրը բարեկարգելու վրա:
1977 թվականից սկսած բուլղարական Խասկովոյի հետ «քույր քաղաքի» կարգավիճակ ունեցող սահմանակից թուրքական Էդիրնե քաղաքի քաղաքապետ Ռեջեփ Գյուրքանը հայտարարել է, որ Խասկովոյում «հայերին պատվին այգի անվանակոչելուց հետո» արտգործնախարարության ցուցումով չեղարկվել է «քույր քաղաքների» մասին կնքված պայմանագիրը:
Գյուրքանը տեղեկացրել է, թուրքական կողմը բուլղարական քաղաքների հետ համագործակցության դադարեցման մասին տեղեկացրել է Բուլղարիայի շրջակա միջավայրի պահպանության նախարարությանը:
Թուրք քաղաքապետը «խորհուրդ է տվել» բուլղարական քաղաքների ղեկավարություններին վերանայել կայացրած որոշումները` ավելացնելով, որ այդ պարագայում հնարավոր կլինի վերսկսել համագործակցությունը:
Խասկովոյի քաղաքապետ Դոբրի Բելիվանովն էլ բուլղարական «bTV»-ին տված հարցազրույցում ասել է, որ որևէ մեկը չի կարող քաղաքի իշխանություններին ցուցում տալ այգի կամ փողոց անվանակոչելու հարցում:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |