Բելգիայի պատասխանը՝ Էրդողանի հայտարարությանը

Քաղաքական08:19, 24 Մարտ 2016

Բելգիայի պատասխանը՝ Էրդողանի հայտարարությանը

Բրյուսելը պատասխանել է Թուրքիայի նախագահի՝ Բելգիայում պայթյուններ իրականացրած ինքնասպան ահաբեկիչների մասին հայտարարությանը: Ռեջեփ Թայիփ Էրդողանը հայտարարել էր, թե ողբերգության հեղինակ մահապարտ եղբայրներից մեկը՝ Իբրահիմ էլ Բաքրաուին, 2015թ. ձերբակալված է եղել Թուրքիայում ու արտաքսվել, բայց հետո բելգիացիների կողմից ազատ է արձակվել:

Թուրքական «Radikal» թերթի կայքի փոխանցմամբ՝ պատասխան արձագանքով հանդես է եկել Բելգիայի արդարադատության նախարար Կոեն Հենսը: Վերջինս նշել է, որ 2015-ին Բաքրաուիի՝ որևէ ահաբեկչական խմբավորման հարելու մասին տեղեկություն հայտնի չի եղել:

«VRT» լրատվականի հետ հարցազրույցում Հենսը նշել է, որ Իբրահիմ էլ Բաքրաուին ձերբակալվել է Թուրքիայում, սակայն ուղարկվել է ոչ թե Բելգիա, այլ Հոլանդիա: Մինչդեռ Էրդողանի խոսքով՝ 2015թ. հուլիսի 14-ին վերջինիս հանձնել են Բելգիայի դեսպանատանը:

«Նա ահաբեկչության հետ կապ չունեցող մի հանցանքի համար դատապարտվել է, իսկ հետո պայմանականորեն՝ ազատ արձակվել: Այն ժամանակ ահաբեկչական խմբավորման հետ նրա կապի մասին ոչինչ հայտնի չէր», -հավելել է նախարարը:

Հիշեցնենք, որ մարտի 22-ին Բելգիայի մայրաքաղաք Բրյուսելի օդանավակայանում և մետրոյի տարբեր կայարաններում մի քանի պայթյուն է որոտացել: Պայթյունների հետևանքով 34 մարդ զոհվել է, 100 -ից ավելի քաղաքացիներ վիրավորվել են: Պարզվել է, որ պայթյուններից երկուսն իրականացրել են մահապարտ ահաբեկիչները՝ եղբարներ Խալիդ և Իբրահիմ Բաքրաուիները:

Աղբյուր` Ermenihaber.am

Այս ենթաբաժնի վերջին նորությունները

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։