Միջազգային07:33, 31 Մարտ 2016
Գերմանիայի արտգործնախարարն արձագանքել է Թուրքիայի պահվածքին
Գերմանիայի արտգործնախարար Ֆրանկ-Վալտեր Շտայնմայերը, մեկնաբանելով Թուրքիայի նախագահ Ռեջեփ Թայիփ Էրդողանի մասին երգիծական երգի ցուցադրման պատճառով Անկարայում Գերմանիայի դեսպանին Թուրքիայի ԱԳՆ կանչելու քայլը, Թուրքիային կոչ է արել հարգել եվրոպական արժեքները:
Ըստ թուրքական «Milliyet» թերթի կայքի` պաշտոնական այցով Ուզբեկստանում գտնվող Շտայնմայերը մասնավորապես ասել է. «Կարծում եմ, որ Եվրամիության գործընկեր երկրից կարող ենք հարգանք ակնկալել մեր ընդհանուր եվրոպական արժեքների նկատմամբ»:
Գերմանացի պաշտոնյան ավելացրել է, որ այդ հարգանքը հումորի և արվեստի հանդեպ պետք է արտահայտվի այնքան, ինչքան որ արտահայտվում է խոսքի ազատության նկատմամբ:
Նշվում է նաև, որ նախօրեին էլ Գերմանիայի կառավարության մամուլի փոխխոսնակն է թուրք պաշտոնակցի հետ հեռախոսազրույցում ասել, որ խոսքի ազատության հարցում իր երկիրը Թուրքիայի հետ բանակցությունների չի գնա:
Թուրքական աղբյուրը, վկայակոչելով գերմանական FAZ գործակալությանը, գրում է, որ այս թեմայով Թուրքիայի նախագահին քննադատել է նաև Եվրահանձնաժողովի նախագահ Ժան Կլոդ Յունկերը:
Յունկերի խոսնակի հայտարարության մեջ ասվել է. «Նախագահ Յունկերը ճիշտ չի համարում ընդամենը մեկ երգիծական երգի պատճառով Թուրքիայի կողմից Գերմանիայի դեսպանին ԱԳՆ կանչելը»,- ավելացնելով, որ, ըստ Յունկերի նման դիրքորոշումը Թուրքիային հեռացնում է Եվրամիությունից:
Հիշեցնենք, որ Անկարայում գերմանիայի դեսպանին կանչելու և նոտա հղելու առիթ հանդիսացած «Էրդողի, էրդողո, էրդողան» (Erdowie, erdowi, erdogan) վերնագրով երգը եթեր է գնացել գերմանական «NDR» պետական հեռուստաալիքի «extra 3-satire» անվանումով հումորային հաղորդման ժամանակ:
Երգում ծաղրի է ենթարկվել մամուլի ազատության ու մարդու իրավունքների հանդեպ Էրդողանի վարած քաղաքականությունը:
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
Ստորագրահավքի արդյունքները ներկայացվելու են Թուրքիայի խորհրդարան (մեջլիս):
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |