Միջազգային12:45, 06 Ապրիլ 2016
Ալիևի ընտանիքի ունեցվածքը օֆշորային ընկերություններում՝ ըստ «Պանամական փաստաթղթերի»
«Լրագրողական հետաքննության միջազգային կոնսորցիումը» (ICIJ) հրապարակել է մի շարք երկրների ղեկավարների օֆշորային հաշիվների մասին տվյալներ: «Պանամական փաստաթղթեր» անվանումը ստացած այս հաշվետվության մեջ նշվում են նաև Արդբեջանի նախագահ Իլհամ Ալիևի ընտանիքի անդամների անունները:
Թուրքական «Hurriyet» թերթը Ալիևի ընտանիքի անվան շուրջ օֆշորային սկանդալի մասին մի շարք տվյալներ է ներկայացրել:
Ըստ այդ տվյալների՝ Ադբեջանի Հարկերի նախարար Ֆեզիլ Մամմեդովը 2003 թվականին հիմնել է «Ata Holding», որի բաժնետերերի անունների մեջ կարճ ժամանակում հայտնվել են Ալիևի ընտանիքի անդամները: 2014 թվականին այս ընկերության ակտիվները գնահատվում էին 490 միլիոն դոլար: Ըստ բացահայտված տվյալների՝ «Ata Holding»-ը բացելուց հետո Մամմադովը Պանամայում հիմնել է «FM Management» ընկերությունը, և կարճ ժամանակ անց նույն երկրում բացել ևս մեկ ընկերություն՝ «UF Universe» անունով: Այս ընկերությունում բաժնետոմսերը բաշխվել էին հետևյալ կերպ՝ 6-ամյա Հեյդար Ալիև կրտսերին 20 տոկոս, Արզու և Լեյլա Ալիևաներին 15-ական տոկոս, Մամմադովի որդուն՝ 30 տոկոս: Նշվում է, որ Պանամայում հիմնված այս կազմակերպությունների գործունեության ոլորտները հայտնի չեն:
«Պանամական փաստաթղթերից» պարզ է դառնում, որ Ալիևի աղջիկների անուններով այլ օֆշորային կազմակերպություններ ևս կան: Քույրերը Վիրջինյան կղզիներում «Kingsview» և «Exalation» անունով կազմակերպություններ: Վերջինը հիմնվել է 2015 թվականի հունվարին և ունի 1 միլիոն դոլար արժողությամբ գույք:
Թեմայի վերաբերյալ պարզաբանում է արել Ալիևի մամուլի խոսնակը՝ նշելով, որ աղջիկները հասուն մարդիկ են և իրավունք ունեն բիզնեսով զբաղվել:
Պանամական փաստաթղթերում տեղեկություններ կան նաև Ադրբեջանում հանքային կոռուպցիայի վերաբերյալ, որը տեղի էր ունեցել 2006 թվականին, երբ պետությունը որոշել էր երկրի արևմուտքում գտնվող հանքերը տալ մասնավոր ընկերությունների: Կազմակերպություններից մեկը՝ «Global International»-ը, որը դարձավ սեփականատերերից մեկը, գլխավորում են Ալիևի աղջիկները և շվեյցարացի մի փաստաբան:
Բացահայտված փաստաթղթերում նշվում է Ալիևի ավագ քրոջ՝ Սևիլ Ալիևայի անունը: Վերջինի անվամբ գրանցված է «Seaton Emlak» կազմակերպությունը: Փաստաթղթերում նրա բնակության վայր նշվում է Լոնդոնը, մասնագիտությունը՝ կոմպոզիտոր: Լոնդոնի թաղամասում, որտեղ բնակվում է Ալիևան, տների միջին գինը 9 միլիոն դոլար է:
Այս ենթաբաժնի վերջին նորությունները
Թուրքիայի ազգային հետախուզական ակադեմիայի նախագահը ելույթ է ունեցել «Հոկտեմբերի 7-ի իրադարձություններից հետո վերջին իրավիճակն ու հնարավորությունները տարածաշրջանում» պանելային քննարկմանը։
Թուրքիայի էներգետիկայի ու բնական պաշարների նախարարը նշել է, որ Թուրքիայի նավթային ընկերությունները Սոմալիում 15 հզ․ քառակուսի կիլոմետր ծովային տարածքում հետախուզման լիցենզիա ունեն։
Նշենք, որ վերոհիշյալ միջանցքը հանդիսանում է Միջին միջանցքի անցումներից մեկը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տնտեսագետի խոսքով՝ Հայաստան-Թուրքիա հարաբերությունները զուտ տնտեսական խնդիրների անդրադարձով հնարավոր չէ լուծել, այլ այն բավականին բարդ է և ունի տարբեր շերտեր։
Նշվում է, որ բերման ենթարկված անձը երկար ժամանակ ստացել է հոգեբանական բուժում։
Նշվում է, որ երկրի արտաքին գործերի և պաշտպանության նախարարները Իսրայելի ռազմագործողությունների և Մերձավոր արևելքում տիրող իրավիճակի վերաբերյալ իրազեկող ելույթ են ունենալու:
Քննարկվել են Թուրքիա-Ռուսաստան հարաբերությունները, ինչպես նաև տարածաշրջանային և միջազգային հարցեր։
Լիբանանում Թուրքիայի դեսպան Ալի Բարըշ Ուլուսոյը հայտնել է, որ Թուրքիայի քաղաքացիներին տարհանելու նպատակով ճանապարհ ընկած նավերն արդեն տեղում են:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |