Թուրքիական բանակին կտրվեն նոր իրավասություններ քրդերի դեմ պայքարում

Իրավական07:32, 21 Ապրիլ 2016

Թուրքիական բանակին կտրվեն նոր իրավասություններ քրդերի դեմ պայքարում

Թուրքիան նոր իրավական դաշտ է նախապատրաստում, որը բանակին հնարավորություն կտա լիովին ազատ գործել «Քուրդիստանի բանվորական կուսակցության» (PKK-ՔԲԿ) զինյալների դեմ պայքարում:

Ըստ թուրքական «Vatan» թերթի կայքի` Թուրքիայի կառավարության, ԶՈՒ գլխավոր շտաբի և ներքին գործերի նախարարության նախաձեռնած օրենսդրական փոխոխությունների համաձայն բանակին լրացուցիչ իրավասություններ կտրվի ահաբեկչության դեմ պայքարում: Քանի որ Անկարան «PKK»-ին ճանաչում է որպես ահաբեկչական կառույց, դրա դեմ տարվող ռազմագործողությունները ներկայացվում են իբրև պայքար ահաբեկչության դեմ:

Ըստ այդմ` եթե մինչ հիմա բանակը քուրդ զինյալների դեմ որևէ շրջանում գործողություններ էր սկսում վարչապետի գրավոր հրամանով, ապա նոր փոփոխություններից հետո կարող է գործել ըստ անհրաժեշտության` ԶՈւ գլխավոր շտաբի որոշմամբ, նախարարների խորհրդի որոշմամբ, կամ վարչապետի հրահանգով: Այդ որոշումներով կամ հրահանգով կարող են սահմանվել իրականացվող գործողությունների եղանակը, տեղը ու ժամանակահատվածը:

Նոր փոփոխությունները հատուկ կարգ են սահմանում զինվորականների դեմ հետաքննություն սկսելու համար, եթե նրանց դեմ բողոք ներկայացվի: Նման դեպքերում զինվորականների հետաքննություն կարող է սկսվել միան պաշտպանության կամ արդարադատության նախարարների թույլտվությամբ:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։