Տնտեսական08:41, 29 Ապրիլ 2016
Թուրքիայում արդյունաբերական վթարների թիվը 6 անգամ ավելին է, քան Եվրոպայում
Թուրքիայում մահվան ելքով արդյունաբերական վթարները 6 անգամ ավելի են, քան Եվրամիության անդամ երկրներում: Թուրքական «Birgün.net» լրատվակայքի տեղեկացմամբ՝ այս մասին հայտնի է դարձել «Birleşik Metal-iş» կազմակերպության հրապարակած հաշվետվությունից: Այս երկրում արդյունաբերական վթարների ¾-ը, իսկ մասնագիտական հիվանդությունների գրեթե բոլոր դեպքերը չեն գրանցվում համապատասխան հաստատությունների կողմից:
Թուրքիայի առողջության ապահովագրության ընկերության (SGK) արխիվներում 2012թ. առնչությամբ արձանագրված է ընդամենը 74.871 արդյունաբերական վթար, 2013թ. համար այս ցուցանիշը կազմում է 191.389: Մինչդեռ ըստ Թուրքիայի վիճակագրական ընկերության (TÜİK) տվյալների՝ արդյունաբերական վթարների և մասնագիտության հետ կապված առողջական խնդիրների թիվը հուլիս 2012- հուլիս 2013 ժամանակահատվածում կազմել է 706.000: Հետևաբար, այդ ընթացքում իրականում տեղի ունեցած վթարների 72.9 տոկոսը չի գրանցվել:
Նույն ուսումնասիրության տվյալներով՝ նշյալ մեկամյա ժամանակահատվածում իրականում արձանագրվել է մասնագիտության հետ կապված առողջական խնդիրների 895.000 դեպք, մինչդեռ SGK արխիվներում այդ ցուցանիշը արձանագրվել է 2012թ. համար՝ 395, 2013թ. ՝ 351 2014թ.՝ 494: Այսպիսով, մասնագիտության հետ կապված առողջական խնդիրների 99.9 տոկոսը չի գրանցվել:
Չնայած այն հանգամանքին, որ Թուրքիայում աշխատուժի ճնշող մեծամասնություն, փաստորեն, գրանցված չէ, միայն գրանցված աշխատողների վերաբերյալ վիճակագրությունն անգամ սարսափելի պատկեր է ստեղծում:
Այսպես, Թուրքիայում մահվան ելքով արդյունաբերական վթարների թիվը Մալթայի համեմատ մեծ է 2 անգամ, Նիդերլանդների համեմատ՝ 17 անգամ, իսկ եվրոպական երկրների ընդհանուր միջինացված ցուցանիշի համեմատ՝ 6 անգամ:
Այս ենթաբաժնի վերջին նորությունները
Ճանապարհներին տեղադրվող համակարգերն ունակ են ոչ միայն քաշի մասին տեղեկություններ տրամադրել, այլև մակնիշի, երկարության, լայնության, գույնի, համարի, արագության և այլն:
Նախիջևանի Ինքնավար Հանրապետության պետական էներգետիկ ծառայությունների նախագահի օգնական Թուրալ Մութուզալիևը հայտարարել է Թուրքիայի հետ էլեկտրաէներգիայի առևտրի մոտալուտ մեկնարկի մասին:
Այդ հատվածը ներառում է զարգացման զգալի ներուժով գազի հեռանկարային շահագործման և զարգացման տարածք։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Վերջինս Թուրքիայի իշխանությունների կողմից հետապնդվում էր որպես ահաբեկչական «Ֆեթուլլահական կազմակերպության» ղեկավար:
Ճանապարհներին տեղադրվող համակարգերն ունակ են ոչ միայն քաշի մասին տեղեկություններ տրամադրել, այլև մակնիշի, երկարության, լայնության, գույնի, համարի, արագության և այլն:
Թուրքիայի արտգործնախարարն անդրադարձել է իրենց կողմից ահաբեկչական ճանաչված «Ֆեթուլլահականների կազմակերպության» ղեկավար Ֆեթուլլահ Գյուլենի մահվանը:
Թուրքական մեդիայում Թուրքիայի կողմից ահաբեկչական ճանաչված «Ֆեթուլլահականների կազմակերպության» ղեկավարի մահից հետո լայն տարածում է գտել վերջինիս կտակը:
Թուրքիայի գլխավոր ընդդիմադիր, քեմալական «Ժողովրդահանրապետական կուսակցության» նախկին առաջնորդի նկատմամբ «նախագահին հասցված վիրավորանքների» հատկանիշներով հետաքննություն է սկսվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |