«Վիրավորված» Էրդողանն այս անգամ կթակի Քյոլնի բարձրագույն դատարանի դռները

Իրավական09:05, 12 Մայիս 2016

«Վիրավորված» Էրդողանն այս անգամ կթակի Քյոլնի բարձրագույն դատարանի դռները

Քյոլնի դատարանը Թուրքիայի նախագահ Ռեջեփ Թայիփ Էրդողանի` գերմանական «Axel Springer» ամենամեծ մեդիա հոլդինդի ղեկավար Մատիաս Դյոպֆների դեմ ներկայացրած հայցը մերժել է: Թուրքիայի նախագահը պատրաստվում է դիմել շրջանի բարձրագույն դատարան:

Ըստ թուրքական «İnternethaber.com» լրատվական կայքի` Էրդողանի փաստաբանը Դյոպֆների դեմ հայց էր ներկայցրել այն բանից հետո, երբ վերջինս գերմանական թերթերից մեկում բաց նամակ էր հրապարակել` ի պաշտպանություն Էրդողանի վերաբերյալ ծաղրական բանաստեղծություն ընթերցած գերմանացի երգիծաբան Յան Բյոհմերմանի:

Հրապարակված բաց նամակում Դյոպֆները գրել էր, որ շատ է հավանել Բյոհմերմանի բանաստեղծությունը և կարդալիս քահ-քաղ ծիծաղել է, ինչն էլ վկայում է դրա հաջողված լինելու մասին: Դյոպֆները նշել է նաև, որ միանում է բանաստեղծության մեջ Էրդողանի հասցեին հնչած ձևակերպումներին:

Էրդողանի փաստաբանի ներկայացված հայցում Քյոլնի դատարանից պահանջվել էր ժամանակավորապես սահմանափակել գերմանական մեդիա հոլդինգի ղեկավարի գործունեությունը, սակայն դատարանը գործ չի հարուցել` հիմնավորելով, որ Դյոպֆները արտահայտել է սեփական կարծիքը, ինչը լիովին տեղավորվում է խոսքի ազատության շրջանակներում:

Դյոպֆներն էլ, անդրադառնալով իր դեմ իրավական գործընթաց սկսելու փորձերին, ասել է, որ չի պատրաստվում հրաժարվել նամակում գրած որևէ բառից:

Աղբյուր` Ermenihaber.am

Այս ենթաբաժնի վերջին նորությունները

10:04, 26 նոյ

Թուրքիայում ընդդիմադիր քաղաքական գործիչ է ձերբակալվել

Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։