Անգլիան ու Գերմանիան նախազգուշացնում են Թուրքիայումն գտնվող իրենց քաղաքացիներին

Միջազգային12:45, 07 Հունիս 2016

Անգլիան ու Գերմանիան նախազգուշացնում են Թուրքիայումն գտնվող իրենց քաղաքացիներին

Հունիսի 7-ին Ստամբուլի Վեզնեջիլեր մետրոյի կայարանի մոտ գտնվող ավտոբուսի կանգառում տեղի ունեցած պայթյունից հետո Մեծ Բրիտանիայի և Գերմանիայի Դաշնային Հանրապետության (ԳԴՀ) արտաքին գործերի նախարարությունները կոչով դիմել են իրենց քաղաքացիներին:

Թուրքական «Milliyet» թերթի կայքի իրազեկմամբ` մասնավորապես Մեծ Բրիտանիայի արտգործնախարարության տարածած հաղորդագրության մեջ կոչ է արվում հետևել թուրքական անվտանգության մարմինների զգուշացումներին և ցուցումներին:

Իսկ Գերմանիայի արտգործնախարարության պաշտոնական կայքում տեղադրված հայտարարության մեջ կոչ է արվում Գերմանիայի քաղաքացիներին իրենց զգոնությունը պահպանել Ստամբուլի և Անկարայի պես մեծ քաղաքներում: Խորհուրդ է տրվում նաև հեռու մնալ մարդաշատ վայրերից ու չմեկնել Թուրքիայի հարավարևելյան նահանգներ:

Հիշեցնենք, որ պայթյունի հետևանքով 11 մարդ էր զոհվել, 36 հոգի էլ վիրավորվել էր, որից 3-ի առողջական վիճակը ծանր է:

Աղբյուր` Ermenihaber.am

Այս ենթաբաժնի վերջին նորությունները

15:10, 27 դեկտ

44 տոննա բժշկական պարագաներ կուղարկվեն Թուրքիա՝ Սիրիային տրամադրելու նպատակով

Նախաձեռնությունն իրականացվում է Եվրամիության և «Առողջապահության համաշխարհային կազմակերպության» կողմից։

14:50, 19 դեկտ

Հուլուսի Աքար. «Արևելյան Միջերկրականում ուժերի հավասարակշռությունը կարող է փոխվել»

Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։