Թուրքիայի կառավարության նիստում քննարկվելու է Գերմանիային պատասխանելու հարցը

Քաղաքական08:14, 13 Հունիս 2016

Թուրքիայի կառավարության նիստում քննարկվելու է Գերմանիային պատասխանելու հարցը

Վարչապետ Բինալի Յըլդըրըմի նախագահությամբ Չանքայա պալատում մեկնարկել է թուրքական կառավարության նիստը: Քննարկումների օրակարգում, ըստ թուրքական լրատվամիջոցների հաղորդած տեղեկության, ներքաղաքական խնդիրներից լինելու է քրդերի դեմ պայքարի հարցը, իսկ արտաքին քաղաքական հարցերից՝ Բունդեսթագի ընդունած Ցեղասպանության բանաձևը:

Գերմանիայի հետ հարաբերություններում մինչ Թուրքիա յիարտգործնախարարությունը կկազմի գործողությունների ծրագիր, կառավարության նիստում հստակեցվելու են արվելիք քայլերը: Սեղանին է դրված Ադանայում գտնվող Ինջիրլիքի ռազմաբազայի հարցը, որից օգտվում են գերմանական կործանիչները: Հայտնի է, որ Գերմանիան ցանկություն է հայտնել առավել լայնորեն օգտվել նշյալ ռազմաբազայից: Այդ հարցով հիմա բանակցությունների մեջ են Թուրքիայի պաշտպանության և արտաքին գործերի նախարարությունները: Կառավարության նիստում քննարկվելու է Գերմանիային պատասխանելու հարցը:

Նշենք, որ թուրքական Ինջիրլիք ռազմաբազայում գտնվող գերմանական կործանիչները «Իսլամական պետություն» ահաբեկչական կազմակերպության դեմ պայքարի շրջանակներում ռազմաբազայից թռիչքներ են իրականացնում դեպի Սիրիա և Իրաք: Ինջիրլիքում գտնվող գերմանական ինքնաթիռներ մի մասն էլ հետախուազական թռիչքներ է իրականացնում` փախստականներին Եվրոպա տեղափոխող խմբերին հայտնաբերելու նպատակով:

Աղբյուր` Ermenihaber.am

Այս ենթաբաժնի վերջին նորությունները

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: