Տնտեսական07:07, 14 Հունիս 2016
Գերմանիան կարող է սառեցնել իր ներդրումները Թուրքիայում
Բունդեսթագի կողմից Հայոց ցեղասպանության ճանաչման փաստի շուրջ առաջացած լարվածության պատճառով Գերմանիան պատրաստվում է սառեցնել Թուրքիայում առկա ներդրումները: Այս մասին գրում է թուրքական «Haberler.com» լրատվակայքը՝ հղում անելով գերմանական «Die Welt» պարբերականին:
Որպես պատճառ նշվում են Թուրքիայի նախագահ Ռեջեփ Թայիփ Էրդողանի՝ քրդական հարցում վարած քաղաքականությունը և Հայոց ցեղասպանության ճանաչման շուրջ առաջացած իրարանցումը, ինչպես նաև այն հանգամանքը, որ Էրդողանը որոշ ժամանակ առաջ պահանջել էր քրեական գործ հարուցել մի գերմանացի երգիծաբանի դեմ՝ իրեն վիրավորելու մեղադրանքով:
Աղբյուրը խնդրի վերաբերյալ զրուցել է Գերմանիայի տնտեսական ոլորտի ներկայացուցիչների հետ: Գերմանիայի Առևտրա-արդյունաբերական պալատների միավորման (DIHK) արտաքին առևտրի բաժնի տնօրեն Ֆոլքեր Թրայերը 2017թ. թուրքական շուկայում գերմանական ընկերությունների տնտեսական ակնկալիքները գնահատել է «թույլ դրական»:
«Անվտանգության վիճակը խաթարեց գործարար աշխարհի ներկայացուցիչների գործունեությունը: Այդ պատճառով էլ նախագծերի իրականացումը հետաձգվեց»,- նշել է Թրայերը: Նա նաև ընդգծել է, որ տեղի ունեցածը հատկապես վնասել է միջին մեծության ընկերություններին, իսկ մեծ կազմակերպությունները կարողացել են պահպանել իրենց ներդրումային ծրագրերը:
Գերմանիայի արդյունաբերական ֆեդերացիայի (BDI) նախագահ Ուլրիխ Գրիլոն էլ հետևյալ մեկնաբանությունն է արել.«Մենք ցավով ենք հետևում վերջին շրջանում Թուրքիայում տեղի ունեցող զարգացումներին: Տնտեսության համար անվտանգ միջավայրը կենսական անհրաժեշտություն է: Ներդրումներ կատարելու որոշումներն կախված են հենց այս հանգամանքից»:
Այս ենթաբաժնի վերջին նորությունները
Ապրիլի 24-ին Վաշինգտոնում հանդիպել են Թուրքիայի ֆինանսների և ԱՄՆ-ի գանձապետարանի նախարարներ Մեհմեդ Շիմշեքն ու Սքոթ Բեսենթը:
Կողմերը քննարկում են ունեցել Մերձավոր Արևելքում, Ուկրաինայում և Ռուսաստանում տնտեսական առաջնահերթությունների շուրջ։
Թուրքիայի պետական նավթային միության «AR-GE» կենտրոնի վարչության ղեկավարի խոսքով՝ զուգահեռ նման աշխատանքներ են իրականցվում նաև մի քանի այլ երկրներում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս պատմությունն ականատես-վերապրողի՝ շատախցի Մարուսյա Հակոբյանի խնդրանքով և թելադրանքով է հուշագրված։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Հայտարարությանը զուգահեռ նշվել է, որ Թուրքիան շարունակում է աջակցել Հայաստանի հետ հարաբերությունների կարգավորման գործընթացին։
«Հայոց ցեղասպանությունն սկսվել է 110 տարի առաջ այս օրը։ Նախ հայ մտավորականները, ապա ամբողջ հայ ազգը վտարվեցին իրենց հինավուրց հողերից, ապա սպանվեցին»:
Այսպես է արձագանքել թուրքական մամուլում հակառակը պնդող լուրերին Գերմանիայի տնտեսության և կլիմայի պաշտպանության նախարարության խոսնակ Թիմ-Նիքլաս Վենցելը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |