Թուրքական կողմը ստորագրել է Իսրայելի հետ հարաբերությունները կարգավորելու համաձայնագիրը

Քաղաքական09:46, 28 Հունիս 2016

Թուրքական կողմը ստորագրել է Իսրայելի հետ հարաբերությունները կարգավորելու համաձայնագիրը

Այսօր Թուրքիայի արտաքին գործերի նախարարի առաջին տեղակալ Ֆերիդուն Սինիրլիօղլուն ստորագրել է Իսրայելի հետ հարաբերությունները կարգավորելու մասին համաձայնագիրը, որը մշակվել է վերջին օրերին Հռոմում երկու երկրների միջև կայացած բանակցությունների արդյունքում:

Ըստ թուրքական «Sabah» իշխանամետ թերթի կայքի` առանձին-առանձին ստորագրվող համաձայնագրի տեքստի տակ իսրայելական կողմից պետք է իր ստորագրությունը դնի արտգործնախարարության գլխավոր տնօրեն Դորե Գոլդը:

Թուրքիայի վարչապետ Բինալի Յըլդըրըմն էլ հայտարարել է, որ համաձայնագրի երկկողմանի ստորգրումից հետո կմեկնարկի դրա վավերցման գործընթացը: Իսրայելի կառավարության և Թուրքիայի խորհրդարանի վավերացումից հետո էլ 2 երկրները կնշանակեն իրենց դեսպաններին:

Հիշեցնենք, որ Թուրքիայի և Իսրայելի հարաբերությունները սրվել էին «Մավի Մարմարա» նավի միջադեպից հետո: Իսրայելցի զինվորները 2010 թ-ի մայիսի 31-ին հարձակվել էին թուրքական «Մավի Մարմարա» նավի վրա, որը միջազգային մարդասիրական նավաշարասյան կազմում օգնություն էր փոխադրում Պաղեստինի Գազայի հատված: Թել Ավիվը պահանջել էր նավի վրա բեռների ստուգում անցկացնել: Երբ նավի անձնակազմը հրաժարվել էր ենթարկվել պահանջին, իսրայելցի զինվորների հարձակման էին անցել: Հարձակման հետևանքով զոհվել էր Թուրքիայի 10 քաղաքացի:

Աղբյուր` Ermenihaber.am

Այս ենթաբաժնի վերջին նորությունները

15:05, 31 մարտ

ԵԽ. Իմամօղլուի ձերբակալությունն ամենամեծ հարվածներից մեկն է Թուրքիայի ժողովրդավարության դեմ

Եվրախորհրդարանի՝ Թուրքիայի հարցերով զեկուցողն անդրադարձել է Ստամբուլի ընդդիմադիր քաղաքապետի կալանավորմանը և երկրում բողոքի ցույցերին։

11:54, 31 մարտ

Իսրայելի ԱԳ նախարար. «Էրդողանը վտանգավոր է և՛ տարածաշրջանի, և՛ իր ժողովրդի համար»

Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։

19:30, 29 մարտ

Կայացել է Էրդողան-Ալիև հեռախոսազրույց

Հանդիպման ընթացքում նախագահ Էրդողանը հայտարարել է, որ Թուրքիան և Ադրբեջանը կշարունակեն զարգացնել համագործակցությունը «երկու պետություն, մեկ ազգ» հայեցակարգի շրջանակներում։