Միջազգային07:09, 08 Հուլիս 2016
Մերկելն ու Էրդողանը կարող են առանձնազրույց ունենալ ՆԱՏՕ-ի գագաթնաժողովի ընթացքում
Հուլիսի 8-9-ին Լեհաստանի մայրաքաղաք Վարշավայում տեղի կունենա ՆԱՏՕ-ի անդամ երկրների ղեկավարների երկօրյա գագաթնաժողովը: Թուրքական «Hürriyet» թերթի կայքի տեղեկացմամբ՝ ակնկալվում է, որ գագաթնաժողովի ընթացքում կկազմակերպվի Գերմանիայի վարչապետ Անգելա Մերկելի և Թուրքիայի նախագահ Ռեջեփ Թայիփ Էրդողանի հանդիպումը:
Նշվում է, որ Մերկելի և Էրդողանի երկկողմ հանդիպումը կամ գոնե կարճատև զրույցը հնարավոր դարձնելու համար բանակցություններ են տարվում: Աղբյուրը ընդգծում է, որ այս ենթադրյալ հանդիպումը առաջինն է լինելու Գերմանիա -Թուրքիա հարաբերությունների վատթարացումից հետո և կարող է որոշակիորեն մեղմացնել երկու երկրների միջև ստեղծված լարվածությունը:
Միջանկյալ հիշեցնենք, որ Գերմանիա-Թուրքիա հարաբերությունները վատթարացել էին հունիսի 2-ին Բունդեսթագի կողմից Հայոց ցեղասպանությունը ճանաչող բանաձևի ընդունումից հետո: Այս համատեքստում Թուրքիան ավելի ուշ արգելել էր գերմանացի պատգամավորներին՝ այցելել Ինջիրլիք ռազմաբազա և տեսակցել գերմանացի զինվորների հետ:
Էրդողանի հետ հանդիպելու առաջարկը, ըստ թուրքական թերթի, արվել է Անգելա Մերկելի կողմից: Հանդիպման ընթացքում կողմերը կքննարկեն Բունդեսթագի կողմից հաստատված Հայոց ցեղասպանության բանաձևը:
ՆԱՏՕ-ի գագաթնաժողովի ընթացքում նախատեսվում են նաև Էրդողանի մի շարք այլ երկկողմ հանդիպումներ: Թուրքիայի նախագահը առանձնազրույց կունանա նաև ԱՄՆ-ի նախագահ Բարաք Օբամայի հետ: Հանդիպման ընթացքում կքննարկվեն Սիրիայի, Իրաքի խնդիրներին, ահաբեկչության դեմ պայքարին առնչվող հարցեր:
Այս ենթաբաժնի վերջին նորությունները
«Ռուսաստանի կողմից փականի փակումն ազդել է գազի գների վրա: Եվրոպայում գազի գները հասել են պատմական բարձր մակարդակի»։
Նախաձեռնությունն իրականացվում է Եվրամիության և «Առողջապահության համաշխարհային կազմակերպության» կողմից։
Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիային բաժին է ընկնում ՌԴ-ի հետ ընդհանուր առևտրի 8․3%-ը։
Ըստ թուրքական լրատվամիջոցի` Սիրիայի դպրոցական դասագրքերում շտկվում է «օսմանյան ամոթը»:
Ըստ Թուրքիայի կանանց ասոցիացիաների ֆեդերացիայի նախագահի՝ պետք է ջանքեր գործադրվեն՝ երաշխավորելու կանանց կյանքի իրավունքը Թուրքիայում։
Թուրքիայի վիճակագրական կոմիտեն (TÜİK) հրապարակել է դեկտեմբեր ամսվա սպառողական գների ինդեքսը։
«Ռուսաստանի կողմից փականի փակումն ազդել է գազի գների վրա: Եվրոպայում գազի գները հասել են պատմական բարձր մակարդակի»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |