Ստամբուլում կբացվի եղեռնից փրկվածների սերունդների մասին ցուցահանդես

Մշակութային07:30, 20 Սեպտեմբեր 2016

Ստամբուլում կբացվի եղեռնից փրկվածների սերունդների մասին ցուցահանդես

Սեպտեմբերի 21-ին Ստամբուլի «Դեփո Իսթանբուլ» ցուցասրահում Հայոց ցեղասպանությունից փրկված և իրենց կյանքը Մերձավոր Արևելքի տարբեր հատվածներում շարունակած հայերի սերունդների մասին լուսանկարների ցուցահանդես կբացվի:

Ըստ թուրքական «imctv.com.tr» լրատվական կայքի` «Գայան» անունը կրող ցուցահանդեսին ներկայացված են լինելու թուրքական «NarPhotos» լուսանկարչական թիմի անդամ Էրհան Արըքի գործերը: Արըքը 2014-2016թթ. Թեհրանում, Սպահանում, Զախոյում, Բեյրութում, Անթիլյասում, Անջարում, Ամմանում, Երուսաղեմում, Ալ Իսրայելայում, Երևանում, Անթաքիայում, և Ստամբուլում լուսանկարել է եղեռնից փրկվածների սերունդներին: Նկարներում պատկերված են նրանց կենցաղը, բնակավայրերն ու հայկական թաղամասերը:

Ցուցահանդեսի բացմանը կներկայացվի նաև Արըքի հեղինակած համանուն գիրքը, որը հրատարակվել է Ստամբուլի հայկական «Արաս» հրատարակչության կողմից: Նշվում է, որ ցուցահանդեսն այցելուների առաջ բաց կլինի մինչև հոկտեմբերի 16-ը:

Աղբյուր` Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: