Տարածաշրջան08:02, 17 Հոկտեմբեր 2016
Իրաքի վարչապետ. «Թուրքիային չենք թույլատրելու մասնակցել Մոսուլի օպերացիային»
Իրաքի վարչապետ Հայդար ալ Իբադին հայտարարել է, որ իրենք չեն թույլատրելու Թուրքիայի ստորաբաժանումներին մասնակցել «Իսլամական պետություն» (ԻՊ) ահաբեկչական կազմեկերպության վերահսկողության տակ գտնվող Մոսուլ քաղաքի ազատագրման օպերացիային:
Միջանկյալ նշենք, որ Մոսուլի օպերացիան սկսվել է հոկտեմբերի 16-ի կեսգիշերին:
Ինչպես հաղորդում է «Sputniknews» լրատվամիջոցի թուրքական ծառայությունը, նշյալ հայտարարությունը Իրաքի վարչապետն արել է «Էլ Իրաքիյե» հեռուստաընկերության եթերով: Նշել է, որ միակ ուժը, որը խախտում է Իրաքի տարածքային ամբողջականությունը, Թուրքիան է՝ կատի ունենալով Իրաքի Բաշիքա շրջանում թուրքական ստորաբաժանումների ներկայությունը:
Իբադին տեղեկացրել է նաև, որ չկա որևէ փաստաթուղթ, որով Իրաքի կառավարությունը ցանկանում է, որ այդ օպերացիային հարձակողական ուժեր մասնակցեն Թուրքիայից:
Ըստ թուրքական «Haberler» լրատվակայքի՝ Իրաքի կառավարության մամուլի կենտրոնից ստացված տեղեկության համաձայն` Մոսուլի ազատագրմանը մասնակցում են Իրաքի «Հաշդի Շաբի» շիա աշխարհազորայինները և Իրաքյան Քուրդիստանի զորքերը: Ի դեպ, վերջինիս մասնակցության վերաբերյալ համաձայնության են եկել Իրանի Իսլամական Հանրապետությունը (ԻԻՀ) և ԱՄՆ:
Ընդհանուր առմամբ Մոսուլի գործողությանը մասնակցում է 30 հազար հոգի` 36 երկրից: Թուրքական աղբյուրի պնդմամբ` օպերացիային մասնակցում են նաև «Քուրդիստանի բանվորական կուսակցության» (ՔԲԿ-PKK) 3000 զինյալ և Իրաքյան Քուրդիստանի «Փեշմերգա» կոչվող զինված ուժերը:
Հիշեցնենք, որ բուն Թուրքիայի մասնակցությունը այդ օպերացիային մինչև վերջին պահը հարցականի տակ էր , քանի որ Թուրքիայի արտգործնախարար Մևլութ Չավուշօղլուն, ԱՄՆ-ի առաջ պայման էր դրել, որի համաձայն Թուրքիան օպերացիային կմիանար այն դեպքում, եթե դրանում մասնակցություն չունենային Սիրիայի քրդական «Ժողովրդավարական միություն» կուսակցության (PYD) ռազմական թև հանդիսացող «Ժողովրդական ինքնապաշտպանության ջոկատները» (YPG):
Այս ենթաբաժնի վերջին նորությունները
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս պատմությունն ականատես-վերապրողի՝ շատախցի Մարուսյա Հակոբյանի խնդրանքով և թելադրանքով է հուշագրված։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Հայտարարությանը զուգահեռ նշվել է, որ Թուրքիան շարունակում է աջակցել Հայաստանի հետ հարաբերությունների կարգավորման գործընթացին։
«Հայոց ցեղասպանությունն սկսվել է 110 տարի առաջ այս օրը։ Նախ հայ մտավորականները, ապա ամբողջ հայ ազգը վտարվեցին իրենց հինավուրց հողերից, ապա սպանվեցին»:
Այսպես է արձագանքել թուրքական մամուլում հակառակը պնդող լուրերին Գերմանիայի տնտեսության և կլիմայի պաշտպանության նախարարության խոսնակ Թիմ-Նիքլաս Վենցելը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |