Տարածաշրջան08:57, 20 Հոկտեմբեր 2016
Էրդողանը Թուրքիայի «պատմական տարածքներ» է հռչակել Հալեպը, Բաթումը, Վառնան և այլ բնակավայրեր
Թուրքիայի նախագահ Ռեջեփ Թայիփ Էրդողանը, ելույթ ունենալով Ռիզեի համալսարանում, ուշագրավ հայտարարություն է արել: Թուրքական «Sabah» թերթի կայքի համաձայն՝ Էրդողանն անդրադարձել է Թուրքիայի «ֆիզիկական և հոգևոր» սահմանների խնդրին:
«Մեր ֆիզիկական սահմաններն այլ են, հոգևոր սահմանները՝ այլ: Որոշները մեզ հարցնում են՝ ինչ գործ ունեք Իրաքի, Սիրիայի, Վրաստանի, Ղրիմի, Ղարաբաղի, Ադրբեջանի, Բալկանների, Հյուսիսային Աֆրիկայի հետ: Բայց այս վայրերից ոչ մեկը մեզ համար օտար չէ:
Թուրքիան պարտավոր է և իրավունք ունի զբաղվելու Իրաքի, Սիրիայի, Լիբիայի, Ղրիմի, Ղարաբաղի, Բոսնիայի և այլ եղբայրական տարածքների հարցերով: Թուրքիան միայն Թուրքիա չէ»,- հայտարարել Էրդողանը:
Թուրքիայի նախագահը հիշեցրել է Առաջին համաշխարհային պատերազմի ավարտին օսմանյան մեջլիսի պատգամավորների հրապարակած վերջին հռչակագիրը, որը հայտնի է «Misak -ı Milli» («Ազգային դաշինք» կամ «Ազգային երդում») անվամբ:
1920թ. փետրվարի 17-ին հրապարակված և 6 հոդվածից բաղկացած այդ փաստաթղթի ամբողջ 3 հոդվածը նվիրված էր Առաջին աշխարհամարտից հետո Թուրքիայի սահմանների գծագրմանը:
«Որոշ պատմաբաններ ընդունում են, որ «Ազգային դաշինքի» նկարագրած սահմանների մեջ բացի ներկայիս Թուրքիայից մտնում են նաև Կիպրոսը, Հալեպը, Մուսուլը, Էրբիլը, Քիրքուքը, Բաթումը, Սալոնիկը, Կարջալին, Վառնան և Էգեյան ծովի կղզիները», - հավելել է Էրդողանը:
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Ջևդեթ Յըլմազը խոսել է նաև Թուրքիայի վրա ԱՄՆ մաքսատուրքերի ունեցած ազդեցությունից։
Մասնակցություն կունենա G20-ի, ԱՄՀ-ի և ՀԲ-ի շրջանակներում տեղի ունեցող հանդիպումներին։
Թուրքիայի էներգետիկայի և բնական ռեսուրսների նախարարի խոսքով՝ Սաքարյայի գազի ավազանում տարվող աշխատանքների առաջին փուլն ավարտված է:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |